சாவகச்சேரியில் வெடிவிபத்து - சிறுவனொருவன் காயம்

சாவகச்சேரியில் இடம்பெற்ற வெடிச் சம்பவத்தில் சிறுவன் ஒருவன் காயமடைந்துள்ளார்.

இந்த வெடிச் சம்பவம் நேற்று மாலை இடம்பெற்றதாக பொலிஸ் ஊடகப் பேச்சாளர் பொலிஸ் அத்தியட்சகர் அஜித் ரோஹன குறிப்பிட்டார்.

குறித்த சிறுவன் தாயுடன் விறகு வெட்ட சென்ற வேளையிலேயே இந்த வெடிச் சம்பவம் இடம்பெற்றுள்ளதாக பொலிஸ் ஊடகப் பேச்சாளர் குறிப்பிட்டார்.

சம்பவத்தில் காயமடைந்த சிறுவன் யாழ்.போதனா வைத்தியசாலையில் அனுமதிக்கப்பட்டு சிகிச்சை பெற்று வருவதாக தெரிவிக்கப்படுகின்றது.

இந்த வெடிச் சம்பவம் தொடர்பான மேலதிக விசாரணைகளை பொலிஸார் ஆரம்பித்துள்ளனர்.

பாகிஸ்தானுக்கு நேட்டோ மாநாட்டில் பங்கேற்க அழைப்பில்லை

ஆப்கானிஸ்தான் பிரச்சினை குறித்து விவாதிக்க அமெரிக்காவிலுள்ள சிக்காகோ நகரில் எதிர்வரும் 20ஆம் 21ஆம் திகதிகளில் நேட்டோ மாநாடு நடைபெறவுள்ளது. அமெரிக்கா ஏற்பாடு செய்துள்ள இந்த மாநாட்டில் பாகிஸ்தான் சார்பில் ஜனாதிபதி ஆசிப் அலி சர்தாரி, இராணுவத் தளபதி கயானி ஆகியோர் பங்கேற்பார்கள் என எதிர்பார்க்கப்பட்டது.

ஆனால், இந்த மாநாட்டிற்கு பாகிஸ்தானுக்கு அழைப்பில்லை என்று நேட்டோ பொதுச் செயலாளர் ராஸ்முசென் அறிவித்துள்ளார். கடைசி நேரத்தில் ஏதாவது மாற்றம் ஏற்பட்டால் பாகிஸ்தானுக்கு வாய்ப்பு கிடைக்கும் என்று அதிகாரி ஒருவர் கூறினார். 

கட்டார், ஐக்கிய அரபு எமிரேட்ஸ், ஜோர்டான், மொராக்கோ உட்பட 60 நாட்டுப் பிரதிநிதிகள் மாநாட்டில் பங்கேற்கவுள்ளார்கள். ரஷ்யா, சீனா, இந்தியா ஆகிய நாடுகளும் அழைக்கப்படவில்லை. பாகிஸ்தான் மீது அமெரிக்கா அதிருப்தி அடைந்திருப்பதே அழைப்பு விடுக்காமைக்குக் காரணம் எனக் கூறப்படுகிறது.

பங்களாதேஷில் இருந்து கொண்டுவரப்பட்ட புத்த பெருமானின் புனித கேசங்கள் மக்கள் பார்வைக்காக

ஜானாதிபதி மகிந்த ராஜபக்ஷ்வின் ஆலோசனைக்கமைவாக பங்களாதேஷில் இருந்து கொண்டுவரப்பட்ட புத்த பெருமானின் புனித கேசங்களை மக்களின் பார்வைக்காக கொழும்பு கங்காராம விகாரையில் வைக்கப்பட்டன.

அதனை தொடர்ந்து, கால் நடை வள மற்றும் கிராமிய சமூக அபிவிருத்தி அமைச்சர் ஆறுமுகன் தொண்டமானின் வேண்டுகோளுக்கமைவாக ஹட்டன் பிரதேச மக்களின் பார்வைக்காக நேற்று கொழும்பிலிருந்து விமானம் மூலமாக புனித கேசங்களை எடுத்துவரப்பட்டன.

புத்த பெருமானின் புனித கேசங்கள் ஹட்டன் நிக்ரோதாமராமய விகரையில் நேற்றும், இன்றும் மக்களின் பார்வைக்காக வைக்கப்பட்டன.

வவுனியா பம்பைமடுப் பகுதியில் புதிய விமானப்படைத் தளம்

வவுனியா பம்பைமடுப் பகுதியில் 500 ஏக்கர் நிலப்பரப்பில் புதிய விமானப்படைத் தளம் ஒன்றை நிறுவும் முயற்சியில் படையினர் ஈடுபட்டுள்ளனர். 

இதற்கு அந்தப் பகுதி மக்கள் பலத்த எதிர்ப்பைத் தெரிவித்துள்ளனர். ஏற்கனவே வவுனியா நகரில் பல ஏக்கர் விஸ்தீரமான நிலப்பரப்பில் விமானப்படை முகாம் ஒன்று இயங்கி வரும் நிலையில் இராணுவத்தினர் மேலும் ஒரு விமானப்படைத்தளத்தை அமைக்கும் முயற்சியானது பலதரப்பினரையும் அதிர்ச்சிக்குள்ளாக்கியுள்ளது. இது தொடர்பாக வவுனியா தெற்கு பிரதேசபை தொடர்பு கொண்டு கேட்டபோது;

“வவுனியா தெற்குப் பிரதேசத்திலுள்ள பம்பைமடு எல்லைக்குள் உத்தேச விமானப் படைத் தளம் அமைந்திருப்பதால்பிரதேசபை அனுமதியைக் கேட்டிருந்தனர். ஆனால் பிரதேச சபை அனுமதியை வழங்கவில்லை.

அந்தப் பகுதியில் பொது விளையாட்டு மைதானம் ஒன்றை அமைப்பதற்கும், அருகில் கலாசார மண்டபம் ஒன்றை நிறுவுவதற்கும் பலரது உதவியை பிரதே சபை நாடியுள்ள  நிலையில் படையினரின் இந்த முயற்சி ஆழ்ந்த துயரைத் தந்துள்ளது.

யாழ்ப்பாணப் பல்கலைக்கழகத்தின் வவுனியா வளாகத்தை அண்மித்த இந்தப்பகுதியில் வறுமைக் கோட்டின் கீழ் வாழும் மக்களுக்கு அரசின் உதவியுடன் காணிகளை வழங்கி பம்பைமடுப் பகுதியை அழகிய நகராக மாற்ற முயற்சி செய்ய எண்ணினேன்” என்கிறது பிரதேசபை
(எமக்கு கிடைத்த செய்தி உறுதிப்படுத்த முடியவில்லை)

பாகற்காய் பகோடா

சக்கரை நோயளிகளுக்கு பாகற்காய் ரொம்போ நல்லது… ஆனா அதன் கசப்பு சுவை பிடிக்கலையா…?

கீழுள்ளவாறு பகோடா ஆக்கிப் பாருங்க, சின்னவங்க கூட ரொம்போ விரும்புவாங்க..!

இதனுடைய செய்முறை மிகவும் எளிது…

தேவையான பொருட்கள்:

பாகற்காய் – 1/4 கிலோ
பூண்டு – 2 பல்
இஞ்சி – சிறிய துண்டு
கடலை மாவு – 1/2 கப்
அரிசி மாவு – 1/4 கப்
பெருங்காயம் – 1/4 தே.கரண்டி
உப்பு – 1 தே.கரண்டி
மஞ்சள் தூள் – 1/4 தே.கரண்டி
மிளகாய் தூள் – 1/2 தே.கரண்டி
பட்டர் – 1 தே.கரண்டி(விரும்பினால்)
எண்ணெய் – பொரிப்பதற்கு

* பாகற்காயினை சிறிய சிறிய வட்ட வடிவமாக வெட்டி கொண்டு தண்ணீரில் போட்டு கழுவி எடுத்து தனியாக வைக்கவும்.

* இஞ்சி, பூண்டுனை தோல் உரித்து கராட் துறுவியினால் துறுவி பாகற்காயுடன் சேர்க்கவும்.

* பாகற்காயுடன் (எண்ணெய் தவிர) கொடுத்துள்ள அனைத்து பொருட்களையும் சேர்த்து நன்றாக கலந்து கொள்ளவும்.

* எண்ணெயினை காயவைத்து பாகற்காயினை போட்டு பொன்நிறமாக பொரித்து எடுக்கவும். இப்பொழுது சுவையான பாகற்காய் பகோடா ரெடி.

நெத்திலி கருவாடு வறுவல்

தேவையான பொருட்கள் :

· நெத்திலி கருவாடு – 1/4 கிலோ
· மிளகாய்தூள் – 1 மேஜைகரண்டி
· மஞ்சள் தூள் – 1/2 தே.கரண்டி
· எண்ணெய் – சிறிதளவு

செய்முறை :

கருவாடினை சுடுதண்ணீரில் போட்டு 3 நிமிடங்கள் ஊறவிட்டு சுத்தம் செய்து கொள்ளவும்.

கருவாடுடன் மிளகாய்தூள் + மஞ்சள் தூள் சேர்த்து நன்றாக கலந்து 10 நிமிடங்கள் ஊறவிடவும்.

கடாயில் 1 தே.கரண்டி எண்ணெய் ஊற்றி கருவாடினை போட்டு வறுக்கவும். சுவையான நெத்திலி கருவாடு ரெடி…

கவனிக்க :

இந்த வறுவல் செய்ய நிறைய எண்ணெய் தேவையில்லை.

அதே போல சமைக்கும் பொழுது தட்டு போட்டு முடி வேண்டாம்.

கருவாடில் ஏற்கனவே உப்பு சேர்த்து இருப்பாங்க என்பதால் உப்பு சேர்க்க வேண்டாம்.

தோலை மினுமினுப்பு ஆக்கும் ஆரஞ்சுபழத் தோல் பொடி

உடலுக்கும் உள்ளத்துக்கும் புத்துணர்ச்சி தரும் ஆரஞ்சு பழச் சுளைகளை தின்றுவிட்டு அதன் தோலை நாம் குப்பையில் எறிந்து விடுவோம். இனிமேல் ஆரஞ்சு பழம் சாப்பிட்டால் அதன் தோலை உடனே எறியாமல் வெயிலில் உலர வைக்கவும்.

நன்றாக காய்ந்த தோலை அரைத்து பொடியாக்கி, அதனுடன் பசும்பாலை கலந்து பேஸ்ட் போல செய்யவும். அதனை முகம், கழுத்து உள்ளிட்ட பகுதிகளுக்கு அப்ளை செய்ய வேண்டும்.

சிறிது நேரம் கழித்து வெது வெதுப்பான முகம் கழுவ தோல் பளிச்சென்று புத்துணர்ச்சியுடன் இருக்கும். ஒரு மாதத்திற்கு காலை நேரத்தில் இதனை தொடர்ந்து பூசி வரவேண்டும்.

அப்புறம் பாருங்கள் உங்களின் முகத்தை கண்ணாடியில் பார்த்து நீங்களே வியக்கும் அளவுக்கு முகம் பளிச்சென்று ஆகும்.

கொள்ளையடிக்கும் நாயும் பூனையும்

கடைக்கு சென்ற பூனையும் நாயும், குழு முயற்சியில் எவ்வாறு களவெடுத்து உண்கிறார்கள் பாருங்கள்…!

கார்ப்பெட் வீதியில் பறந்த ஓட்டுனர் வைத்திய சாலையில்

சுன்னாகம் பகுதியில் வேகமாகச் சென்ற வாகனம் பாதையை விட்டு விலகி அருகில் உள்ள மின் கம்பத்துடன் மோதுண்டதில் தடம்புரண்டடு விபத்துக்குள்ளாகியது.

சுன்னாகம் பிரதேச செயலக ஒழுங்கைக்கு அருகாமையில் நேற்று இரவு இடம்பெற்ற இவ்விபத்தில் வாகனச் சாரதிய படுகாயமுற்ற நிலையில் யாழ். போதனா மருத்துவமனையில் அனுமதிக்கப்பட்டுள்ளார்.

விபத்து இடம்பெற்ற இடத்திற்கு அன்மையில் காப்பெற் வீதி அமைக்கப்பட்ட நிலையில் இந்த பகுதியில் அன்மைக்காலமாக வாகனங்கள் மிகவும் வேகமாக செல்வது வழமையாகும்.

அந்த வகையில் வேகமாக வந்த வாகனமே வேகக்கட்டுப்பாட்டை இழந்து மின் கம்பத்துடன் மோதுண்டு விபத்துக்குள்ளானது. மின்கம்பம் மீது மோதியதால் அந்தப் பகுதயில் சிறிது நேரம் மின்சாரம் பாதிக்கப்பட்டது.

குறிப்பிட்ட வாகனத்தை செலுத்தி வந்த சாரதி ஏற்கனவே காவற்துறையினர் மறித்தும் நிற்காது தொடர்ந்து வாகனத்தை செலுத்தி பொது மக்கள் இராணுவம் எனப் பலரையும் காயப்படுத்திய குற்றத்திற்க்காக கைது செய்யப்பட்டு தண்டனை வழங்கப்படவர் எனக் கூறப்படுகிறது.

பஸ் வண்டி பாதையை விட்டு விலகி பனை மரத்துடன் மோதியது

நீர்கொழும்பு, குருநாகல் பிரதான வீதியில் கொக்கவில பிரதேசத்தில் இடம்பெற்ற பஸ் விபத்தில் பத்துப் பேர் காயமடைந்துள்ளனர்.

இலங்கை போக்குவரத்து சபைக்கு சொந்தமான பஸ் வண்டியே இன்று காலை 6.30 மணியளவில் விபத்துக்கு உள்ளாகியுள்ளது.

பஸ் வண்டியில் ஏற்பட்ட இயந்திர கோளாறு காரணமாக பஸ் பாதையை விட்டு விலகி பனை மரத்துடன் மோதுண்டதில் இவ் விபத்து நேர்ந்துள்ளது.

சம்பவத்தில் காயமடைந்தவர்கள் நீர்கொழும்பு வைத்தியசாலையில் அனுமதிக்கப்பட்டுள்ள அதேவேளை ஒருவர் மேலதிக சிகிச்சைக்காக கொழும்பு தேசிய வைத்தியசாலையில் அனுமதிக்கப்பட்டுள்ளார்.

ஒல்லாந்தர் காலத்தில் அழிக்கப்பட்ட சிவன்கோவில் சிவலிங்கம் சாவகச்சேரியில் மீட்பு!

சாவகச்சேரி நீதிமன்ற கட்டிடம் இருந்த பகுதியில் சிவலிங்கம் ஒன்று மீட்கப்பட்டுள்ளது.ஒல்லாந்தர் பிரித்தானியர் காலத்தில் இப்பகுதியில் இருந்த சிவன் ஆலயம் அழிக்கப்பட்டு அந்த இடத்தில் நீதிமன்ற கட்டிடம் அமைக்கப்பட்டிருக்கலாம் என தொல்லியல் பேராசிரியர் புஷ்பரத்தினம் தெரிவித்துள்ளார்.

பிரித்தானியர் காலம் தொட்டு சாவகச்சேரியில் இயங்கி வந்த உயர்நீதிமன்றக் கட்டிடங்கள் தற்போது அங்கிருந்து முற்றாக அகற்றப்பட்டு அவ்விடத்தில் மீண்டும் புதிய நீதிமன்றம் அமைக்கும் பணி தீவிரமாக நடந்து வருகிறது.இதற்கான அத்திவாரம் வெட்டும் பணி நடந்துவரும் இடங்களில் வரலாற்றுப் பெறுமதி மிக்க தொல்பொருட் சின்னங்கள் காணப்படுவதாக சோலையம்மன் கோவில் பிரதமகுரு வரலாற்றுத்துறைப் பேராசிரியர் செ.கிருஸ்ணராஜா அவர்களின் கவனத்திற்கு கொண்டு வந்ததன் அடிப்படையில் அவ்விடத்திற்குச் சென்ற பேராசிரியர் புஷ்பரட்ணம், தொல்லியற்துறை ஆய்வு உத்தியோகத்தர் மதியழகன் ஆகியோர் நீதிமன்றக் கட்டிடங்கள் இருந்த இடத்தில் மிகப்பழைய ஆலயம் ஒன்று இருந்து அழிந்ததற்கான சான்றுகளை அடையாளப்படுத்தி உள்ளனர்.

தற்போதைய நீதிமன்ற வளவில் இருந்த பிற்காலக் கட்டிடங்கள் அனைத்தும் முற்றாக அகற்றப்பட்டிருந்தும் அந்த பிரதேசம் மட்டுமே சற்று மேடாகக் காணப்படுகிறது. இதற்கு போத்துக்கேயர் அல்லது ஒல்லாந்தர் ஆட்சியில் அழிக்கப்பட்ட அல்லது அழிவடைந்து போன ஆலயத்தின் அழிபாடுகள் அவ்விடத்தில் புதையுண்டிருப்பதே காரணமாக இருக்கவேண்டும் என பேராசிரியர் புஷ்பரத்தினம் தெரிவித்துள்ளார். தற்போது இவ்விடத்தில் சதுர வடிவில் வெட்டப்பட்டுவரும் ஒவ்வொரு ஆழமான குழிக்குள்ளும் செறிந்த அளவில் செங்கட்டிகளும், பொழிந்த முருகக்கற்களும் வெளி வந்துள்ளதைக் காணமுடிகிறது.

அவை ஆலயம் ஒன்றின் கட்டிடப் பாகங்கள் என்பதை அவற்றின் வடிவமைப்புக்கள் எமக்கு தெளிவாக உணர்த்துகின்றன என அவர் தெரிவித்தார்.1990க்கு முன்னர் பொதுமக்களால் இந் நீதிமன்ற வளவிலும், அருகில் உள்ள பேருந்து தரிப்பு நிலைப்பகுதியிலும் கிணறு மற்றும் மலசலகூடம் அமைப்பதற்காக குழிகள் தோண்டப்பட்ட போது அம்மன், மனோன்மணி அம்மன், ஆவுடையுடன் கூடிய சிவலிங்கம், சூரியன் முதலான கருங்கற் சிலைகள் கண்டுபிடிக்கப்பட்டன. அவற்றுள் மிகுந்த கலை வேலைப்பாடும், அழகும் பொருந்திய அம்மன் விக்கிரகம் ஐந்தரை அடி உயரம் கொண்டது.

இதுவே இலங்கையில் உள்ள மிக உயர்ந்த அம்மன் விக்கிரகம் என மக்கள் நம்புகின்றனர். இச் சிலைகளைக் குழியில் இருந்து வெளியே எடுத்த போது அவை சில பாதிப்புகளுக்கு உள்ளானாலும் அவற்றின் வரலாற்றுப் பெறுமதியை உணர்ந்த பொதுமக்கள் அச்சிலைகளை பழைய வாரிவனேஸ்வரர் ஆலயத்தில் வைத்து பாதுகாத்து வருகின்றமை இங்கு குறிப் பிடத்தக்கது.

இவ்விக்கிரகங்களை பொதுமக்கள் கண்டெடுத்தபோது இவ்விடத்தில் சிவன் ஆலயம் ஒன்று இருந்திருக்கலாம் என நம்பினர். அது முற்றிலும் உண்மை என்பதே தற்போது நீதிமன்ற வளவில் கிடைத்துவரும் ஆலய அழிபாடுகள் உறுதிசெய்கின்றன. எதிர்காலத்தில் இங்கு கிடைக்கவுள்ள சான்றுகள் மேலும் பல உண்மைகளை வெளிக்கொணர உதவலாம் என பலர் தெரிவித்துள்ளார்.

அம்மன் ஆலயத்தில் பாம்பு பொந்துக்குள் சிவலிங்கம்!

அம்பாறை மாவட்டத்தில் நிந்தவூரையடுத்துள்ள மாட்டுப்பழை மடத்தடி ஸ்ரீமீனாட்சி அம்மன் ஆலயத்தில் புராதன பாம்புப் பொந்துக்குள் திடீரென சிவலிங்கம் ஒன்று தோன்றியது.

அம்மன் ஆலய பாம்பு பொந்துக்குள் சிவலிங்கம் இருப்பதாக தான் கனவு கண்டதாக அக்கரைப்பற்றிலுள்ள கா.மல்லிகா என்ற பெண் கூறியதை ஆலய நிருவாகத்தினர் அதனை பார்வையிட்டனர்

.

பின்னர் கல்லாற்றைச் சேர்ந்த குடைச்சாமி சித்தரின் உதவியுடன் புற்றினுள் இருந்த சிவலிங்கத்தை எடுத்து ஆலயத்தினுள் பிரதிஸ்டை செய்தனர். பெருந்தொகையான மக்கள் இதனை வழிபாட்டு வருகின்றனர் என காரைதீவில் உள்ள செய்தியாளர் சகாதேவராசா அனுப்பி வைத்துள்ள செய்தியில் தெரிவித்திருக்கிறார்.

கிரேக்கத்தில் பாரம்பரிய முறையில் ஒலிம்பிக் ஜோதி ஜோதி

இந்த ஆண்டு லண்டனில் நடைபெறவுள்ள ஒலிம்பிக் போட்டிகளுக்கான ஜோதி வியாழக்கிழமை(10.5.12) கிரேக்கத்தில் பாரம்பரிய முறையில் ஏற்றப்பட்டுள்ளது

அங்குள்ள ஒலிம்பியா மலைப்பகுதியில், பண்டைகாலத்தில் ஒலிம்பிக் போட்டிகள் நடைபெற்ற இடத்துக்கு அருகே ஹீரா எனும் தெய்வத்தின் சிதிலமடைந்த கோவிலுக்கு முன்னர் உள்ள ஒரு பீடத்தில் வைத்து இந்த ஜோதி ஏற்றப்பட்டது.

பழங்காலத்தில் பெண் பூசாரிகளால் எப்படி சூரிய ஒளியைக் கொண்டு இந்த ஜோதி ஏற்றப்பட்டதோ அதே போன்று, இனோ மெனெகாகி எனும் கிரேக்க நடிகை, பெண் பூசாரி வேடமணிந்து, அதிகாலை சூரிய ஒளியை கொண்டு இந்த ஜோதியை ஏற்றினார்.

பெரிய அளவிலான ஒரு கண்ணாடியில் சூரிய ஒளியை குவியச் செய்து அதன் மூலம் உண்டாகும் வெப்பத்தை வைத்தே ஒலிம்பிக் தீபம் ஏற்றப்படுகிறது.

புனிதத்தன்மை

சூரிய ஒளியைக் கொண்டு ஏற்றப்பட்ட ஜோதி வேறு ஒரு குடுவைக்கு மாற்றப்படுகிறது

ஒலிம்பிக் ஜோதியின் புனிதத் தன்மையை உறுதிப்படுத்தவே, இது சூரியக் கதிர்களைக் கொண்டே ஏற்றப்படுகிறது.

பண்டைய கிரேக்கர்கள் தீயை தெய்வத்தன்மை வாய்ந்த ஒன்றாகக் கருதி, அதை தமது முக்கிய ஆலயங்களின் முன்னர் தொடர்ந்து எரியும் வண்ணம் பார்த்துக் கொண்டார்கள்.

மனிதனுக்கும் நெருப்பினால் ஏற்படக்கூடிய சாதகமான விஷயங்களுக்கும் இருக்கும் தொடர்பையே ஒலிம்பிக் ஜோதி தற்காலத்தில் நடைபெறும் விளையாட்டுகளில் எடுத்துக்காட்டுகிறது என்று சர்வதேச ஒலிம்பிக் சம்மேளனம் கூறுகிறது.

மேலும் ஒலிம்பிக் ஜோதியின் பயணம், ஒலிம்பியாவிலிருந்து தொடங்குவது என்பது பண்டைகால ஒலிம்பிக் போட்டிகளுக்கும், தற்கால போட்டிகளுக்கும் இடையேயான ஆழ்ந்த தொடர்பை வெளிக்காட்டுகிறது எனவும் அந்த சம்மேளனம் தெரிவிக்கிறது

சமாதானச் செய்தி

ஒலிம்பிக் ஜோதியை ஏற்றி வருபவர்கள் அதன் பயணம் முழுவதிலும் சமானத்துக்கான செய்தியை சுமந்து செல்கிறார்கள்.

ஒலிம்பியாவில் ஜோதியை ஏற்றும் பணியை கிரேக்க நாட்டின் ஹெலினிக் ஒலிம்பிக் சங்கமே கையாள்கிறது.அந்தக் குழுவே தொடர் ஒட்டத்தின் மூலம் ஏதன்ஸ் நகருக்கு கொண்டுவரும் நடவடிக்கையை ஏற்பாடு செய்கிறது.

அதன் பிறகு அந்த ஜோதியை ஒலிம்பியாவிலிருந்து போட்டிகள் நடைபெறும் நாட்டிலுள்ள முக்கிய விளையாட்டு அரங்கத்தில் ஏற்றி வைக்க எடுத்து செல்லும் பொறுப்பு, போட்டிகளை நடத்தும் ஏற்பாட்டாளர்களின் பொறுப்பாகும்.

கிரேக்கத்தில் இந்த ஜோதி தொடரோட்டமாக சுமார் 2,900 கிலோமீட்டர்கள் பயணம் செய்கிறது, 500 பேர் ஜோதியை ஏந்திச் செல்கிறார்கள்.

பொருளாதார நெருக்கடி

மேலும் கிரேக்கம் அரசியல் மற்றும் பொருளாதாரக் கொந்தளிப்பில் சிக்கியுள்ள தருணத்தில் ஒலிம்பிக் ஜோதியை ஏற்றும் நிகழ்ச்சி நடைபெற்றுள்ளது.

கடந்த சில மாதங்களாக கிரேக்கத்தில் பெரிய அளவிலான சமூக அமைதிக்குலைவும் போராட்டாங்களும் இடம்பெற்றன.

ஏழு நாட்கள் கிரேக்கத்தில் பயணிக்கும் ஒலிம்பிக் ஜோதி, இம்மாதம் 17 ஆம் தேதி லண்டன் ஒலிம்பிக் போட்டிகளை நடத்தும் அமைப்பிடம் கையளிக்கப்படும்.

கிரேக்கத்தின் ஒலிம்பியாவில் ஏற்றப்பட்ட ஜோதி 18 ஆம் தேதி மாலை உள்ளுர் நேரம் 7 மணிக்கு பிரிட்டனின் தென் மேற்கு கரையோரம் உள்ள லாண்ட்ஸ் எண்ட் எனும் இடத்தை அடைந்து மறுநாள் முதல் நாடெங்கும் கொண்டு செல்லப்படும் நடவடிக்கை தொடங்குகிறது.

மலேரியா அற்ற இலங்கை உருவாக்குவோம்

யாழ் பிராந்திய சுகாதார திணைக்களம், மலேரியா தடை இயக்கம், சர்வோதயம், சேவாலங்கா போன்ற அமைப்புகள் ஒன்றிணைந்து மலேரியா அற்ற இலங்கை உருவாக்கும் நோக்குடன் பேரணி ஒன்ற நடத்தப்பட்டுள்ளதுடன், கண்காட்சியும்

இலகு ஆங்கில மொழிப் பயிற்சி

ஊடகவியலில், சீராக நிலைத்த தன்மை, தரம் மற்றும் துல்லியத்தன்மை ஆகியவைகளை உறுதிப்படுத்த வேண்டுமென்றால், அதில் மொழி ஒரு மையமான பங்காற்றுகிறது. 

இந்தப் புதிய அத்தியாயங்கள் உலகெங்கிலும் உள்ள ஊடகவியலாளர்கள் , அவர்களது பணியின் பல்வேறு துறைகளுக்குத் தேவைப்படும் ஆங்கில மொழித் திறனை வளர்த்தெடுக்க உதவும். 

பிபிசியில் தரப்படும் ஆங்கில மொழிப் பயிற்சி, ஊடகவியல் , தயாரிப்பு , தொழிலுக்கான ஆதரவு சேவை ஆகியவற்றின் அனைத்து துறைகளிலும் பணிபுரியும் பரந்துபட்ட வகையான ஊழியர்களின் தேவைகளைப் பூர்த்தி செய்கிறது. 

தேசிய மற்றும் சர்வதேச அளவிலும், பல்வகையான ஊடகத் தளங்களிலும் அவர்களது மொழி மேம்பாட்டுக்கான ஆதரவை இந்த பயிற்சி வழங்குகிறது. 

பிபிசி ஊடகவியல் கல்லூரியின் சர்வதேச மையத்தைச் சேர்ந்த மார்க் ஷியாவால் வடிவமைக்கப்பட்ட இந்தப் புதிய அத்தியாயங்கள் பிபிசி ஊடகவியல் கல்லூரியின் மொழிப்பிரிவு இணையதளப் பக்கங்களில் அறிமுகப்படுத்தப்படும் இவ்வகையிலான முதல் முயற்சியாகும். 

உலகெங்கிலும் உள்ள பிபிசி ஊடகவியலாளர்களுக்கு பயிற்சி தந்த எமது ஆங்கில மொழி வல்லுநர்கள் மற்றும் பயிற்சியாளர்கள் குழு தங்களது அனுபவங்களை , உலகெங்கிலும் உள்ள ஆங்கிலம் பயில்வோருடன் பகிர்ந்துகொள்ளும் வாய்ப்பு தரும் இந்த வாய்ப்பு சிறப்பானதொன்று. 

எங்களுடன் பயில்வது உங்களுக்கு ஒரு மகிழ்ச்சியான அனுபவமாக இருக்கும் என்று நம்புகிறோம்! 

24h newstv யாழ் கல்வியல் கல்லூரி ஆசிரியர் (video)

கழிவுப் பொருள்களைப் பயன்படுத்தி தனது கைவண்ணத்தினால் பல்வேறு அலங்காரப் பொருட்களைத் தயாரித்து வருகிறார் யாழ். தேசிய கல்வியற் கல்லூரியின் விசேட கல்வி விரிவுரையாளரான தம்பிராசா சிவகுமார்.

150 ஆண்டுகளைத் தாண்டி வாழ மாத்திரை !

மருத்துவ துறை வளர்ச்சியின் காரணமாக மனிதனின் சராசரி வயது ஆண்டுதோறும் அதிகரித்து வருகிறத. இந்நிலையில் ஆரோக்யமான உடல்நலத்துடன் 150 ஆண்டுகளைக் கடந்து வாழ்வதற்கான மாத்திரையை கண்டுபிடிப்பதற்கான ஆராய்ச்சியில் மருத்துவர்கள் ஈடுபட்டுள்ளனர்.

இது அடுத்த 5 ஆண்டுகளில் விற்பனைக்கு வரும் என்று நம்பிக்கை தெரிவித்துள்ளனர்.

இது குறித்து அவூஸ்திரேலியாவின் நியூ சவுத்வேல்ஸ் யுனிவர்சிட்டி பேராசிரியர் பீட்டர் ஸ்மித் கூறுகையில் .

மனிதனுக்கு வயதாவதை ஒத்திப்போடும் மாத்திரையை கண்டுபிடிப்பது குறித்து ஆராய்ச்சி நடைபெற்று வருகிறது. இதன் மூலம் 150 ஆண்டுகளைத் தாண்டி வாழ முடியும். அதாவது வயதாவதைத் தடுக்கும். இதுமட்டுமல்லாமல் நோய்நொடியின்றி ஆரோக்யமாக வாழவும் இந்த மாத்திரை உதவும். இந்த மாத்திரை உடலில் உள்ள செல்களை புதுப்பித்து உற்சாகமுடன் இருக்க வகை செய்யும் என்றார்.

1500 ஆண்டுகள் பழமையான புத்தர் கோவில் கண்டுபிடிப்பு.சீனாவில்

சீனாவின் பெரிய பாலைவனமான சிங்ஜாங்கில் 1500 ஆண்டுகள் பழமை வாய்ந்த புத்த கோவில் ஒன்று அகழ்வாராய்ச்சி குழுவினரின் 2 மாத கடுமையான முயற்சியால் நேற்று முன்தினம் வெளிகொண்டு வரப்பட்டது.

இந்த கோவில் சுற்றிலும் சதுர வடிவிலான 4 வராண்டாக்களுடன் கூடிய மைய மண்டபத்தை கொண்டு அமைந்துள்ளது. மண்டபத்தின் நடுவே சிதைந்த நிலையில் புத்தரின் பெரிய சிலை ஒன்று உள்ளது.

இந்தியாவில் புத்த மதம் தோன்றிய காலத்தில் இருந்த இந்திய கட்டிட கலையை அடிப்படையாக கொண்டு இந்த கோவில் கட்டப்பட்டுள்ளது. எனவே புத்தமத ஆய்வில் ஈடுபடும் வரலாற்று ஆய்வாளர்களுக்கு இந்தியாவிலிருந்து புத்தமதம் சீனாவில் பரவிய காலம் குறித்த முக்கிய ஆதாரமாக இது இருக்கும் என சீனாவின் மூத்த அகழ்வாராய்ச்சியாளர் கூறினார்

குட்டை பாவாடை அணிந்ததால் மேடைகளில் திண்டாடும் பிரபலங்கள்

குட்டை பாவாடை அணிவது இப்பொழுது பிரபலங்களின் வாடிக்கையாகிவிட்டது. பொது நிகழ்ச்சிகளில் குட்டைப்பாவாடையோடு பங்குபற்றும்போது, எசக்கு பிசக்காக எதுவும் ஆகிவிடக்கூடாது என்பதற்காக உடலளவிலும், மனதளவிலும் திண்டாடும் கொரிய பிரபலங்களின் படங்கள் இணைக்கப்படுகின்றன.

கைகளில் வரையப்பட்ட அற்புத சிற்ப ஓவியங்கள் (Photos)

Body Painting முறையில், அற்புதமான கைகளில் வரையப்பட்டுள்ள ஓவியங்கள் இவை.

 

ரஜினி – தீபிகா இடையில் உறவு வலுப்பெறுகிறது?

கோச்சடையான் திரைப்படம் ரஜினியின் மகள் சௌந்தர்யாவால் இயக்கப்படுகிறது. இதில் சூப்பர் ஸ்டாருடன் தீபிகா படுகோன் கதாநாயகியாக இணைந்துள்ளார்.

படப்பிடிப்பு தளங்களில், தீபிகா படுகோன், சூப்பர் ஸ்டாரை ”அப்பா” என்றே அழைத்து வருகிறாராம்.

இந் நிலையில் சென்னையில் தற்போது நடைபெற்று வரும் கோச்சடையானின் பாடல் காட்சி ஒன்றின் படப்பிடிப்பில் ரஜினியும் தீபிகாவும் மிக நெருக்கமாக காதல் செய்வது போல நடன அசைவுகள் வைத்திருந்தாராம் நடன இயக்குனர் சரோஜ்கான்.

அந்த நெருக்கமான காட்சியில் நடிக்க மறுத்துள்ள சூப்பர்ஸ்டார், தனது மகள் போன்ற தீபிகாவுடன் இவ்வாறான நெருக்கமான காட்சிகளில் நடிப்பது தனக்கு சங்கடத்தை ஏற்படுத்துவதாக தெரிவித்துள்ளார்.

பெரிய மொய் கொடுத்து ஸ்நேகாவுக்கு டும்… டும்…!விஜய் ரிவி

நடிகை ஸ்நேகா – பிரசன்னா ஜோடி திருமண பந்தத்தில் இணைய இன்னும் 24 மணிநேரத்துக்கும் குறைவான மணித்துளிகளே மீதமிருக்கின்றன.

இவ் நட்சத்திர ஜோடி திருமணம் நாளை, சென்னை வாணாகரம் வெங்கடாசலபதி திருமண மண்டபத்தில் கோலாகலமாக நடைபெற உள்ளது.

பெரும் என்ணிக்கையில் திரையுலக நடிகர் நடிகைகள் சமூகமளிப்பார்களென எதிர்பார்க்கப்படுகிறது.

தமிழக முதல்வர் ஜெயலலிதாவுக்கும், தி.மு.க தலைவர் கருணாநிதிக்கும் திருமண அழைப்பு விடுக்கப்பட்டுள்ளது குறிப்பிடத்தக்கது.

இந் நிலையில் இவர்களது திருமண நிகழ்ச்சியை நேரடியக ஒளிபரப்பும் உரிமையை விஜய் தொலைக்காட்சி பெரும் தொகை பணம் கொடுத்து வாங்கியுள்ளது.

திருமணம் நடப்பதற்கு முன்னர் பெரிய அளவில் மொய்ப்பணம் இவ் நட்சத்திர ஜோடிக்கு கிடைத்துள்ளது…!

நடிகைகள் இருவருக்கும் இந்த சண்டை தேவை தானா?

பெரிதாக தமிழ் சினிமா உலகில் எடுபட முடியாமல் திண்டாடுபவர்கள் நடிகை ஓவியாவும், ”யுத்தம் செய்” நடிகை தீபா ஷா வும். இவர்களின் மார்க்கெட் நிலைமை இப்படி இருக்க, நட்சத்திர நடிகைகள் போல் இருவரும் சண்டை போட்டு கொண்டுள்ளனர்.

”சில்லுனு ஒரு சந்திப்பு” படப்பிடிப்பில் ஓவியாவும், தீபா ஷா வும் நடித்து வருகிறார்கள்.

இதன் படப்பிடிப்பு திங்கட்கிழமை மாதவரத்தில் நடந்தது. அப்போது தீபா ஷாவுக்கும், ஓவியாவுக்கும் பிரச்னை ஏற்பட்டதால் ஷூட்டிங் ஸ்பாட்டிலிருந்து தீபா ஷா வெளியேறியதாக செய்தி வெளியானது.

நடந்தது குறித்து தீபா ஷா கூறியதாவது…

இந்தப் படத்தில் எனது காட்சிகள் கடந்த சில நாட்களாக படமாக்கப்பட்டு வந்தது. எனக்காக கேரவன் கொடுத்திருந்தனர்.

திடீரென்று அங்கு ஓவியா வந்தார். அரை மணி நேரம் மட்டும் ஓவியா உங்கள் கேரவனில் தங்குவார், அட்ஜஸ்ட் செய்து கொள்ளுங்கள் என்று பட யூனிட்டை சேர்ந்தவர்கள் கூறினர்.

நானும் பரவாயில்லை என்று இருந்தேன். மலேசிய சேனல் ஒன்றுக்காக அவர் வீடியோ பேட்டி கொடுக்க இருப்பதாகக் கூறினார். நான் மேக்கப் போட்டுக் கொண்டிருந்தேன். கேரவனுக்குள்ளேயே கேமராவை கொண்டு வந்தனர். இது பிரச்னையாக இருக்கும் என்று சொன்னேன். ஐந்து நிமிடம் தான் என்றார்.

பிறகு இருபது நிமிடம் வரை போய்க்கொண்டிருந்தது. எனக்கு அடுத்த ஷாட் இருப்பதால் மேக்கப் போடுவதற்கு இடைஞ்சலாக இருந்ததை சொன்னேன். வெளியே போகச் சொன்னார்கள். இது எனக்காக கொடுக்கப்பட்ட கேரவன். நான் ஏன் வெளியே போகவேண்டும் என்றேன்.

பேசிக்கொண்டிருக்கும் போதே ஓவியாவின் மானேஜர் அருண், என்னை அடிக்கப் பாய்ந்தார். எனது மேக்கப் மேன் ஓடிப்போய் அவரை தடுத்தார். எனக்கு ஷாக் ஆகிவிட்டது.

இப்படியொரு மோசமான சூழ்நிலையை எதிர்பார்க்கவில்லை. இதையடுத்து நான் வெளியேறிவிட்டேன். பிறகு பட யூனிட், ஓவியாவையும் அருணையும் மன்னிப்புக் கேட்க வைத்தபிறகு நான் படப்பிடிப்பில் கலந்து கொண்டேன். இதுதான் நடந்தது.

நான் யுத்தம் செய் படத்தில் நடித்தபோதே எனக்கு மானேஜராக இருக்கிறேன் என்று அருண் கேட்டார். மறுத்துவிட்டேன். அந்த கோபத்தில் இந்த சம்பவத்தை பயன்படுத்தி மீடியாவுக்கு என்னை பற்றி தவறான செய்தியை அளித்துள்ளார். இதுபற்றி நடிகர் சங்கத்தில் புகார் கொடுக்க இருக்கிறேன் என்று தெரிவித்தார்.

ஓவியாவின் மானேஜர் அருணிடம் கேட்ட போது…

கேரவனில் ஓவியா பேட்டி அளித்த போது, தீபா ஷா செல்போனில் சத்தமாகப் பேசினார். உடனே ஓவியா, பத்து நிமிஷம் அமைதியாக இருங்கள் என்றார்.

என்றாலும், அவர் பேசிக்கொண்டே இருந்ததால், இடைஞ்சலாக இருந்தது. நான் தீபா ஷாவிடம், அமைதியாக இருக்கும்படி சொன்னேன். அப்போது தீபா ஷாதான் என்னையும், ஓவியாவையும் தகாத வார்த்தையால் பேசினார். இது அங்கிருந்தவர்களுக்குத் தெரியும் என்றார்.

யாழ் கந்தர்மடம்அருள் மிகு ஸ்ரீ ஞானவைரவர் ஆலயத் தேர்த் திருவிழா 2012(வீடியோ)

யாழ். கந்தர்மடம் பழம் வீதியில் அமைந்துள்ள அருள் மிகு ஸ்ரீ ஞானவைரவர் ஆலயத் தேர்த் திருவிழா (08.05.2012) காட்சிகளும் தண்டகைக்காட்சியும் 

பல நோய்களுக்கு பயன்படும் மங்குஸ்தான் தற்போது அருகிவருகிறது

பழங்கள் உடலுக்கு நேரடியாக சத்துக்களைக் கொடுக்கும் தன்மை கொண்டவை. பழங்களில் உள்ள உயிர் சத்துக்களான வைட்டமின்கள், தாதுப் பொருட்கள்  உடலுக்கு வலுவூட்டுகின்றன. இதில் உள்ள நார்ச்சத்துகள்  குடலுக்கு நல்லது.

பழங்காலத்தில் மனிதர்கள் பழங்களையே உணவாக உண்டு  வந்தனர். அதனால் நோய்களின் தாக்கம் இல்லாமல் ஆரோக்கியமாக வாழ்ந்தனர்.இவை மலைப் பகுதிகளில்  விளையக் கூடியவை. இது மாதுளம் பழத்தைப் போன்ற  தோற்றத்தில் இருக்கும். இந்தப்பழத்தின் தோல் பகுதி  தடிமனாக இருக்கும். இப்பழத்தின் தோல் பகுதியை உடைத்தால் மூன்று அல்லது நான்கு சுளைகள் இருக்கும். சுளைகள்  இளஞ்சிவப்பு, வெள்ளை நிறத்தில் இருக்கும். மலேசியா,  மியான்மர், இந்தோனேசியா, தாய்லாந்து ஆகிய நாடுகளில்  அதிகம் விளைகிறது. தென்னிந்தியாவில் மலைப் பகுதியில்  தோட்டப் பயிராக இதனை வளர்க்கின்றனர். இதற்கு சூலம்புளி என்ற பெயரும் உண்டு சீதபேதி இரத்தக் கழிச்சல் உள்ளவர்களுக்கு மங்குஸ்தான் பழத்தின் மேல் தோலை சுட்டு அல்லது பச்சையாக அரைத்து அதனுடன் தேன் கலந்து சாப்பிட்டு வந்தால் சீதபேதி உடனே குணமாகும்.உடல் சூட்டைத்  தணித்து தேகத்தை சமநிலையில் வைத்திருக்கும். வயிற்றுவலியைக் குணப்படுத்தும் தன்மை இதற்கு  உண்டு. கண் எரிச்சலைப் போக்க கம்பியூட்டரில் வேலை செய்யும் இளைய தலை முறையினருக்கு பொதுவாக கண்கள் வறட்சி  அடைந்து கண் எரிச்சலை உண்டாக்கும். இதனால்  சிலர் தலைவலி, கழுத்து வலி என அவதிக்குள்ளாவார்கள் . இவர்கள் மங்குஸ்தான் பழம் சாப்பிட்டு வந்தால் கண் எரிச்சல் நீங்கி, கண் நரம்புகள் புத்துணர்வு பெறும். வாய் துர்நாற்றம் நீங்க வயிற்றில் புண் இருந்தால் வாயில் புண் ஏற்படும்.  இதனால் வாய் துர்நாற்றம் வீசும், மேலும்  உண்ணும் உணவுப் பொருட்கள் பல் இடுக்குகளில் தங்கி விடுகின்றன. இதனால் உண்டாகும் கிருமிகளால் வாய் துர்நாற்றம் வீச ஆரம்பிக்கும். மங்குஸ்தான் பழத்தை நன்கு சுவைத்து சாப்பிட்டு,  அல்லது அதன் தோலை காயவைத்து பொடி செய்து தேன்கலந்து சாப்பிட்டு வந்தால் வாய் துர்நாற்றம் நீங்கும். மூலநோயை குணப்படுத்த நாம் உண்ணும் உணவானது செரிமானம் ஆகாமல் அசீரணக் கோளாறு ஏற்பட்டு அதனால் வாயு  சீற்றமாகி கீழ் நோக்கி மூலப் பகுதியை  பாதிக்கிறது. இதனால் மூலத்தில் புண் ஏற்படுகிறது. மூலநோய் விரைவில் குணமாக  எளிதில் சீரணமாகக் கூடிய உணவுகளை உண்பது  நல்லது. அதோடு மங்குஸ்தான் பழத்தை  சாப்பிட்டு வந்தால் மூலநோயால் ஏற்பட்ட பாதிப்புகள் குறையும். பெண்களுக்கு மாதவிலக்கு காலங்களில் பெண்களுக்கு ஏற்படும்  அதிக இரத்தப் போக்கை குறைக்க மங்குஸ்தான்  பழம் உதவுகிறது. கிடைக்கும் காலங்களில்  மங்குஸ்தான் பழத்தை வாங்கி சாப்பிடுவது  நல்லது. அல்லது மங்குஸ்தான் பழத்தின் தோலை காய வைத்து பொடிசெய்து பாலில்  கலந்து சாப்பிட்டு வந்தால் அதிக இரத்தப் போக்கு குறையும். சிறுநீரைப் பெருக்க சிறுநீர் நன்கு வெளியேறினால் தான் உடலில் தங்கியுள்ள தேவையற்ற அசுத்த நீர் வெளியேறும். சிறுநீர் நன்கு வெளியேற மங்குஸ்தான் பழம் சிறந்த மருந்தாகும். * இருமலை தடுக்கும் * சூதக வலியை குணமாக்கும் * தலைவலியை போக்கும் * நாவறட்சியை தணிக்கும். மங்குஸ்தான் பழத்தில் நீர் (ஈரப்பதம்) - 83.9 கிராம் கொழுப்பு - 0.1 கிராம் புரதம் - 0.4 கிராம் மாவுப் பொருள் - 14.8 கிராம் பாஸ்பரஸ் - 15 மி.கி. இரும்புச் சத்து - 0.2 மி.கி உடலுக்குத்தேவையான அனைத்து  ஊட்டச்சத்துக்களையும் கொண்ட இப்பழத்தை  உண்டு பயனடைவோம்.

சட்டவிரோதமாக கொண்டுவரப்பட்ட பொருட்களை சுங்க அதிகாரிகள் கைப்பற்றியுள்ளனர்

வெளிநாட்டில் இருந்து இலங்கைக்கு சட்டவிரோதமாக கொண்டுவரப்பட்ட பொருட்கள் சிலவற்றை சுங்க அதிகாரிகள் கைப்பற்றியுள்ளனர். சுங்கத் திணைக்கள விசேட தேடுதல் பிரிவு நடத்திய சோதனை நடவடிக்கையில் இந்த பொருட்கள் கைப்பற்றப்பட்டதாக சுங்கத் திணைக்கள பிரதிப் பணிப்பாளர் சனத் பெனாண்டோ தெரிவித்தார். தாய்லாந்து, இந்தியா மற்றும் சீனா ஆகிய நாடுகளில் இருந்து குறித்த பொருட்கள் கொண்டுவரப்பட்டுள்ளன. இதனுள் சிகரெட், பீடி, புகையிலை, கஜு உள்ளிட்ட பல பொருட்கள் அடங்குவதாக சுங்கத் திணைக்களம் தெரிவித்துள்ளது.

பள்ளிக்கூட மாணவிகளோடு செக்ஸ் லீலை: பாக்கிஸ்தானியர்களுக்கு 77 வருட சிறை !

9 பேர் கொண்ட பாக்கிஸ்தான் முஸ்லீம் குழு ஒன்று லண்டனில் திட்டமிட்ட வகையில் 13 வயது தொடக்கம் 15 வயதுடைய பள்ளிக்கூட மாணவிகளுடன் பாலுறவில் ஈடுபட்டுள்ளனர். இச் செய்தியை அதிர்வு இணையம் கடந்த வருடம் வெளியிட்டிருந்தது யாவரும் அறிந்ததே. லண்டனுக்கு வெளியே உள்ள புறநகர்ப் பகுதி ஒன்றில் பாக்கிஸ்தான் உணவு விடுதி ஒன்றை நடத்திவந்த இந் நபர்கள், அருகில் உள்ள தமது பலசரக்கு கடை நண்பர்களுடன் இணைந்து சிறுமிகளுக்கு மது விற்பனை செய்துள்ளனர். இந் நபர்கள் சுமார் 5 சிறுமிகளை மதுபோதைக்கு அடிமையாக்கி பின்னர் போதைவஸ்துகளையும் கொடுத்து அவர்களுடன் பாலுறவில் ஈடுபட்டுள்ளனர். தாம் அனுபவித்த சிறுமியை தனது நண்பர்களுக்கு கொடுப்பதும், அவர்கள் அதை தனது நண்பர்களுக்கும் கொடுப்பது வழக்கம்.

இவ்வாறு ஒரு சிறுமியை பலர் பாலியல் வல்லுறவுக்கு ஈடுபடுத்தியுள்ளனர். இவர்கள் வலையில் இதுவரை 5 பள்ளிக்கூடச் சிறுமிகள் வீழ்ந்துள்ளது கண்டுபிடிக்கப்பட்டுள்ளது. ஆனால் இவர்கள் 15 க்கும் மேற்பட்ட சிறுமிகளை தம் வலையில் சிக்கவைத்து அவர்களுக்கு மதுபோதை ஏற்றி இறுதியில் தமது இச்சையை தீர்த்துக்கொண்டுள்ளனர். இவர்களில் ஒரு சிறுமி பொலிசாருக்கு கொடுத்த தகவலின் அடிப்படையில் இவர்கள் அனைவரும் கைதுசெய்யப்பட்டனர். நேற்றைய தினம் நீதிமன்றம் தனது தீர்ப்பை அறிவித்தது. அதற்கு முன்னதாக நீதிபதி குற்றவாளிகளைப் பார்த்து சில விடையங்களைத் தெரிவித்தார்.

நீங்கள் இச் சிறுமிகளை, உங்கள் சமூகத்தவர் இல்லாத காரணத்தால் தான் கற்பழித்துள்ளீர்கள் ! அவர்கள் உங்கள் மதத்தைச் சேர்ந்தவர்களாக இருந்திருந்தால் இப்படி நீங்கள் செய்திருப்பீர்களா ? என்று கேள்வி எழுப்பினார். இந்த பாக்கிஸ்தான் முஸ்லீம்களில் ஒருவர் உடனே எழுந்து, நீதிபதியை நீ ஒரு இனவாதம் பிடித்தே வேசி எனத் தகாத வார்த்தைகளினால் திட்டினார். இதனால் அவர் நீதிமன்றில் இருந்து வெளியேற்றப்பட்டார். பின்னர் இவர்கள் அனைவருக்கும் தலா 10 ஆண்டுகள் சிறைத் தண்டனை வழங்கி நீதிபதி தீர்ப்பு வழங்கினார்.

Yamaha வின் 2012 க்கான Fazer மோட்டார் சைக்கிள்

யப்பானிய கம்பனியான யமகா வின் இந்திய தயாரிப்பான 2012 ஆம் ஆண்டுக்குரிய ஃபேஷர் FZ-S வகை மோட்டார் வண்டி அறிமுகப்படுத்தப்பட்டுள்ளது.

யமகா வுடன் போட்டிக்கு ஹீரோ, பஜாஜ், டீ.வி.எஸ் போன்ற மோட்டார் நிறுவனங்கள் இருந்த போதும் தனது விசேட தன்மை கொண்ட வடிவமைப்பால் யமகா நிறுவனம் இளைஞர்களை கவர்ந்து வருகிறது.

முந்தைய மாடல்களில் இல்லாத, சௌகர்யமான பின்புற இருக்கை, அகலமான பின் சில்லு டயர், அழகிய கிரபிக்ஸ் வேலைப்பாடுகள் போன்றவற்றை 2012 மாடல் கொண்டுள்ளது.

White, Black Cyber Green, Lava Red, Midnight Black ஆகிய வர்ணங்களில் இம் மாடல்கள் தயாரிக்கப்பட்டு இருக்கின்றன.

டெல்லி காட்சியறையில் இவ் 2012 ஃபேஷர் FZ-S மோட்டர் சைக்கிளின் விலை 76380 இந்திய ரூபாய்கள் என விலையிடப்பட்டுள்ளது.