வாலு ரெயிறலர் வெளியிடப்பட்டது video

சகுனம் தொடர்பில் தீர்மானிப்பதில் தேங்காய் முக்கிய இடம் வகிக்கிறது. நம்மை நாமே இறைவனுக்கு அர்ப்பணிப்பதன் அர்த்தமாகவே கோயிலில் தேங்காய் உடைக்கிறோம்.

இந்தத் தேங்காய் உடையும் விதத்தில் சகுன ஜோதிடம் பல விடயங்களை உணர்த்துகிறது. தேங்காயின் ஓடு மட்டும் தனியாக வந்தால், சம்பந்தப்பட்டவருக்கு உடனடியாக பொருள் நஷ்டம் உண்டு என்று அர்த்தம்.

ஒருவேளை தேங்காய் அழுகியிருந்தால், சம்பந்தப்பட்டவருக்கு கடுமையான உடல்நலக் குறைவு, நோய் ஏற்படும். குறிப்பாக தேங்காய் அழுகியுள்ள சதவீதத்திற்கு ஏற்ப அவரது உடலில் பாதிப்பு ஏற்படும் என சகுன ஜோதிடம் கூறுகிறது.

இதேபோல் அழுகியுள்ள பகுதியின் சதவீதத்திற்கு ஏற்ப பாதிப்பு ஏற்படும் நாள் தொலைவில் உள்ளதா? அருகில் உள்ளதா? என்பதையும் தெரிந்து கொள்ளலாம். தேங்காய் அழுகினால் ஒரு சிலருக்கு உடனடி மரணம் ஏற்படவும் வாய்ப்புள்ளது.

முகூர்த்த தேங்காயின் குணங்கசள்

சகுனம் தொடர்பில் தீர்மானிப்பதில் தேங்காய் முக்கிய இடம் வகிக்கிறது. நம்மை நாமே இறைவனுக்கு அர்ப்பணிப்பதன் அர்த்தமாகவே கோயிலில் தேங்காய் உடைக்கிறோம்.

இந்தத் தேங்காய் உடையும் விதத்தில் சகுன ஜோதிடம் பல விடயங்களை உணர்த்துகிறது. தேங்காயின் ஓடு மட்டும் தனியாக வந்தால், சம்பந்தப்பட்டவருக்கு உடனடியாக பொருள் நஷ்டம் உண்டு என்று அர்த்தம்.

ஒருவேளை தேங்காய் அழுகியிருந்தால், சம்பந்தப்பட்டவருக்கு கடுமையான உடல்நலக் குறைவு, நோய் ஏற்படும். குறிப்பாக தேங்காய் அழுகியுள்ள சதவீதத்திற்கு ஏற்ப அவரது உடலில் பாதிப்பு ஏற்படும் என சகுன ஜோதிடம் கூறுகிறது.

இதேபோல் அழுகியுள்ள பகுதியின் சதவீதத்திற்கு ஏற்ப பாதிப்பு ஏற்படும் நாள் தொலைவில் உள்ளதா? அருகில் உள்ளதா? என்பதையும் தெரிந்து கொள்ளலாம். தேங்காய் அழுகினால் ஒரு சிலருக்கு உடனடி மரணம் ஏற்படவும் வாய்ப்புள்ளது.

Facebook இன்னும் 8 ஆண்டுகளில் பெட்டிக்குள் போகும்

முன்னனி சமூக வலைத்தளமான பேஸ் புக் இன்னும் ஐந்து தொடங்கம் எட்டு வரையான ஆண்டு காலப்பகுதியில் வழக்கொழிந்து இல்லாமல் போகுமென பொருளாதார ஆய்வாளர் ஒருவர் கூறியுள்ளார்.

ஃபேஸ்புக்கின் பங்குகள் சரிவதைத் தொடர்ந்து, 5-8 ஆண்டுகளில் அது “காணாமல்போகும்” என்று நிதி பாதுகாப்பு ஆய்வாளரான எரிக் ஜாக்சன் கணித்துள்ளார்.

பெரும்பாலானவர்கள் ஃபேஸ்புக்கை மொபைலில் பயன்படுத்துவதால், ஃபேஸ்புக்கிற்கு வருவாய் இழப்பு எற்படுவதாகவும் அவர் தெரிவித்துள்ளார்.

இத் தடைகளை மீறி ஃபேஸ்புக் சாதிக்குமா? இல்லை யாகூ போன்று மெல்ல சாகுமா என்று பொறுத்திருந்து தான் பார்க்க வேண்டும்.

20 வயதிலேயே பிஎம்டபிள்யூ கார் வாங்கிய கன்சிகா

ஒகே ஒகே மூலம் நட்சத்திர அந்தஸ்து பெற்றுள்ள ஹன்ஷிகா தனது சம்பளத்தை ரூ.45 லட்சத்திலிருந்து ரூ.75 லட்சமாக உயர்த்தி விட்டார்.

சம்பளத்தை உயர்த்திய கையோடு தனது அஸ்தஸ்தையும் உயர்த்திக் கொள்ளும் விதமாக புதிய பிஎம்டபிள்யூ சொகுசு காரை வாங்கியுள்ளார்.

நான் 20 வயதிலேயே பிஎம்டபிள்யூ கார் வாங்கிவிட்டேன் என்று நண்பர்களிடமும் சினிமா வட்டாரத்திலும் பெருமைப்பட்டிருக்கிறார் நம்ம மொளுக் மொளுக் ஹன்ஷி.

அவரின் காரின் விலையான 60 இலட்சத்தையும் சேர்த்து பெருமைப்பட்டு கொண்டதால் தற்போது வருமான வரித்துரையினரின் சந்தேக பார்வைக்குள் ஹன்ஷிகா சிக்கியுள்ளதாக தகவல்கள் கசிந்துள்ளது.

நடிகை அனுஷ்கா பென்ஸ் கார் வாங்கிய சில நாட்களிலேயே வருமான வரித்துறையின் ரெய்ட்டுக்கு உள்ளானது குறிப்பிடத்தக்கது.

பணி நிறுத்தத்தில் ஈடுபட்டுள்ள கல்விசாரா ஊழியர்களுக்கு சம்பளம் இல்லை

பணி நிறுத்தத்தில் ஈடுபட்டுள்ள பல்கலைக்கழக கல்விசாரா ஊழியர்களுக்கு பணி நிறுத்தத்தில் ஈடுபட்ட நாளுக்கான சம்பள பணத்தை வழங்காதிருக்க உயர்கல்வி அமைச்சு தீர்மானித்துள்ளது.

இத்தகவலை உயர்கல்வி அமைச்சின் செயலாளர் கலாநிதி சுனில் ஜயந்த தெரிவித்துள்ளார்.

பல்கலைக்கழக கல்விசாரா ஊழியர்களின் சம்பளப் பிரச்சினையை தீர்க்க அதிகாரிகள் நடவடிக்கை எடுத்து வருகின்ற போதும் அவர்கள் பணி நிறுத்தத்தில் ஈடுபடுவதாக அவர் சுட்டிக்காட்டியுள்ளார்.

பேச்சுவார்த்தை மூலம் தீர்க்க வேண்டிய பிரச்சினையை பணி நிறுத்தம் செய்து தீர்க்க முடியாது என உயர்கல்வி அமைச்சின் செயலாளர் தெரிவித்துள்ளார்.

சம்பளப் பிரச்சினைக்கு உடன் தீர்வு காண வேண்டும் என வலியுறுத்தி பல்கலைக்கழக கல்விசாரா ஊழியர்கள் நேற்று (06.06.2012) தொடக்கம் பணி நிறுத்தத்தில் ஈடுபட்டு வருகின்றமை குறிப்பிடத்தக்கது.

இலங்கையில் 90 நிமிடத்திற்கு ஒரு பாலியல் வன்முறை

இலங்கையில் ஒவ்வொரு 90 நிமிடங்களுக்கும் இடையில் ஒரு பெண், பாலியல் வன்புணர்வுக்கு உட்படுத்தப்படுகிறாள் எனினும் அரசியல் செல்வாக்கு நீதிக்குத் தடையாக உள்ளதால் பொலிஸாரால் உரிய நடவடிக்கைகளை மேற்கொள்ள முடியவில்லை என்று சோசலிசப் பெண்கள் சங்கம் குற்றம் சுமத்தியுள்ளது.

சோசலிசப் பெண்கள் அமைப்பின் தலைவி சமன்மாலி குணசிங்க நேற்றுமுன்தினம் செவ்வாய்க்கிழமை பெலவத்த ஜே.வி. பி. தலைமையகத்தில் நடைபெற்ற செய்தியாளர் சந்திப்பின் போது இந்தக் கருத்தைத் தெரிவித்தார்.

நாட்டில் அறிமுகப்படுத்தப்பட்ட சுதந்திர பொருளாதாரக் கொள்கையே இந்த நிலைமைக்குக் காரணம். எந்த ஒரு விடயத்தையும் பணம் தீர்மானிக்கும் நிலையே நாட்டில் ஏற்பட்டுள்ளது.

பொலிஸ் அறிக்கைகளின்படி நாளொன்றுக்கு 5 பாலியல் ரீதியிலான சம்பவங்கள் இடம்பெறுகின்றன என்று கூறப்படுகிறது. எனினும் உண்மையில் நாளொன்றுக்கு 15 சம்பவங்கள் இடம் பெறுகின்றன.

1990 ஆம் ஆண்டு 665 பாலியல் வன்புணர்வுச் சம்பவங்கள் இடம்பெற்றன. எனினும் 2011 ஆம் ஆண்டு 1636 பாலியல் வன்புணர்வுச் சம்பவங்கள் இடம்பெற்றுள்ளன. இவற்றினால் பாதிக்கப்பட்ட 89 வீதமானோர் 16 வயதுக்கு உட்பட்ட பெண்கள் என்று சமன்மாலி குறிப்பிட்டார்.

யாழில் கள்ளச்சாராயம் வித்த நால்வர் கைது

யாழ். நகரப்பகுதியில் சட்டவிரோதமான முறையில் சாராய விற்பனையில் ஈடுபட்ட நடைபாதை வியாபாரிகள் நால்வர் இன்றைய தினம் யாழ். காவற்றுறையினரால் கைது செய்யப்பட்டுள்ளதாக காவற்றுறை வட்டாரங்கள் தெரிவித்துள்ளனர்.

யாழ். காவற்றுறையினர் சிவில் உடையில் சென்று மேற்கொள்ளப்பட்ட நடவடிக்கையின் காரணமாகவே இவர்கள் நால்வரும் கைது செய்யப்பட்டு
அவர்களிடமிருந்து 20 போத்தல் சாராயமும் பொலிஸாரினால் பறிமுதல் செய்யப்பட்டுள்ளது.

கைது செய்யப்பட்வர்கள் யாழ். காவல் நிலையத்தில் தடுத்து வைக்கப்பட்டுள்ளதுடன் இவர்களிடம் மேலதிக விசாரணைகளும் மேற்கொள்ளப்பட்டு வருவதுடன் இவர்கள் நால்வரும் நாளையதினம் யாழ். நீதிவான் நீதிமன்றில் ஆஜர்படுத்தப்படவுள்ளனர் எனவும் யாழ். பொலிஸார் தெரிவித்துள்ளநர்.

மனைவியின் உள்ளங்கவர் கள்வன் ஆக விருப்பமா?

ஆரோக்கியமான, தன்னம்பிக்கை நிறைந்த, தனக்கு பாதுகாப்பு அளிக்கும் ஆண்மகனே சிறந்தவன் என்ற எண்ணம் பெண்ணுக்கு எழும். அதுபோன்ற நம்பிக்கை தரும் கணவன் அமையப்பெற்றால் அவன் சொல்லும் 

வார்த்தைகளை வேதங்களாக நினைத்து பின்பற்றுவாள் என்கின்றனர் உளவியல் நிபுணர்கள்.

உளவியல் நிபுணர்கள் கூறும் பின்வரும் வழிகளை பின்பற்றி பாருங்கள்…

எந்த ஒரு பெண்ணும் தனது கணவன் தனக்குரியவனாக மட்டும் இருக்க வேண்டும் என்று நினைப்பார்கள். அதை கவனத்தில் கொண்டு நம்பிக்கைக்குரியவர்களாக இருக்க வேண்டும்.

திருமணம் ஆன புதிதில் உங்கள் காதல் மனைவியோடு அதிக நேரம் செலவழியுங்கள். அலுவலகம் வேலை என்று இறக்கை கட்டி பறக்க ஆரம்பித்தால் உங்கள் மனைவி தனக்கு ஒரு வேலையை தேடிக்கொண்டு போய்விடுவார்.

எங்காவது பொது இடத்திற்கு செல்லும் போதும் தன்னுடைய கணவன் தன்னுடைய கையை பிடித்துக்கொண்டு நெருக்கமாக இருக்க வேண்டும் என்று எதிர்பார்ப்பார்களாம் பெண்கள்.

புதிதாக திருமணமான உடன் எக்காரணத்தைக் கொண்டும் கோபத்தை அவளிடம் வெளிப்படுத்தாதீர்கள். அப்படியே கோபப்பட்டாலும், உடனே சமாதான மாகிவிடுங்கள். அப்போது உங்கள் கோபத்தை நியாயப்படுத்திப் பேசாதீர்கள். ஏதோ தவறாக பேசிவிட்டேன். இனி கண்டிப்பாக பேச மாட்டேன் என்று சமாதானமாகவே பேசவேண்டும்.

அலுவலகத்தில் டென்ஷனை சந்தித்தாலும் அதை அலுவலகத்தோடு விட்டுவிடுங்கள். வீட்டில் உங்கள் மனைவி, பிள்ளைகளை மட்டும் நினையுங்கள், அலுவலகத்தில் உள்ள கோபத்தை எக்காரணம் கொண்டும் மனைவியிடம் பிரயோகித்து விடாதீர்கள்.

அதிக கட்டுப்பாடுகளை விதிப்பதை விட கட்டுப்பாடான சுதந்திரம் கொடுத்தால் பெண்கள் அதிகம் மகிழ்கின்றனராம்.

இது போன்ற சின்ன சின்ன விடயங்களை கவனித்து விட்டால் போதும், நீங்கள் உங்கள் மனைவியின் உள்ளங்கவர் கள்வனாக மாறலாம்…!

ஐஸ்வர்யா மீதான சந்தேகம் தீர்ந்தது? – ஸ்ருதி

3 படம் வெளியாகி, ஏகப்பட்ட சர்ச்சைகளும் எழுந்து முடிந்து ஓய்ந்து விட்டது. இந்த நிலையில் 3 படம் குறித்தும், ஐஸ்வர்யா குறித்தும் கருத்து தெரிவித்துள்ளார் ஸ்ருதி.

3 படத்தில் பணியாற்றும்போது ஐஸ்வர்யா மீது எனக்கு சந்தேகம் இருந்தது. அவர் இயக்கும் முதல் படம். எப்படி கையாளப்போகிறாரோ என்று எண்ணினேன். முதல்நாள் ஷூட்டிங்கில் அவர் பணியாற்றியதை பார்த்தபிறகு அவர் மீதான சந்தேகம் தீர்ந்தது. ஒரு படைப்பாளியாக அவரை ஏற்றுக்கொண்டேன்.என்று தெரிவித்தார்.

நான் காதல் வலையில் விழுந்துவிட்டதாக கூறுகிறார்கள். எனக்கேற்ற ஒருவரை தேர்ந்தெடுத்தால் அதை முதலில் எனது தந்தையிடம் சொல்வேன். இப்போதைக்கு காதல் செய்ய நேரமில்லை.என்றார் ஸ்ருதி

நோயாளியிடம் புலனாய்வுப்பிரிவு எனக் கூறி பணத்தை திருடியவர் கைது

யாழ். போதனா வைத்தியசாலையில் நோயாளரைப் பார்ப்பதற்காக சென்ற இவர், தன்னை குற்றப்பபுலனாய்வு பிரிவைச் சேர்ந்தவர் என தெரிவித்து, நோயாளியிடமிருந்த 4 ஆயிரம் ரூபாவை திருடிச் சென்றுள்ளார்.குறித்த நபர் நோயாளியிடமிருந்த பணத்தை திருடிக்கொண்டு தப்பிக்க முயற்சித்தபோது யாழ். போதனா வைத்தியசாலை பாதுகாப்பு உத்தியோகத்தர்களினால் பிடிக்கப்பட்டு பொலிஸாரிடம் நேற்று (04) ஒப்படைக்கப்பட்டதாக யாழ்.பொலிஸார் தெரிவித்தனர்.

தன்னை பொலிஸ் குற்றப்புலனாய்வுப் பிரிவைச் சேர்ந்தவர் எனக் கூறிக் கொண்டு, இவர் பல திருட்டுகளில் ஈடுபட்டுள்ளார் எனவும் இவரைக் கைது செய்வதற்கு தாங்கள் தேடிவந்ததாகவும் யாழ்.பொலிஸார் கூறினர்.

மேலும், கைது செய்யப்பட்ட இந்த நபரை இன்று (05) யாழ். நீதிவான் நீதிமன்றத்தில் முன்னிலைப்படுத்த பொலிஸார் தயாராகி வருகின்றனர்.

105 ஆண்டுகளுக்கு பின் வானில் நாளை அற்புதம்!

சூரியனுக்கும் பூமிக்கும் இடையில் நாளை (6) வெள்ளிக்கிரகம் நகருகிறது.

இதனால் சூரியனின் மேல் வெள்ளிக்கிரகம் ஒரு புள்ளி போல் நகர்ந்து செல்வது தெரியும்.

105 ஆண்டுகளுக்கு பின் நடக்கும் இந்த காட்சியை சூரிய உதயம் முதல் காலை 10 மணி வரை காணலாம். இந்நிகழ்வை வெறும் கண்ணால் பார்க்க கூடாது. பார்த்தால் சூரிய ஒளியால் கண்ணில் பாதிப்பு ஏற்படும். பார்த்தாலும் தெரியாது.

சூரிய ஒளியை சிறு கண்ணாடி மூலம் பிரதிபலித்து வெள்ளைச் சுவரில் பிடித்தால், சூரியன் சுவரில் பளிச்சென்று விழும். அதில் கரும் புள்ளியாய் வெள்ளி நகருவது தெரியும். இம்முறையின்படி பார்க்கலாம்.

இந்நிகழ்வினால் பூமியில் பாதிப்பு ஏற்படாது. உரியினங்களுக்கும் பாதிப்பில்லை என பேராசிரியர்கள் குறிப்பிட்டுள்ளனர்.

சொந்தச்செலவில் குடிநீர்

தேமுதிக சார்பில் புதுக்கோட்டை தொகுதியில் போட்டியிடும் வேட்பாளர் என். ஜாகீர் உசேனை ஆதரித்து திருவப்பூர் பகுதியில் பிரசாரம் செய்தார் விஜயகாந்தின் மனைவி பிரேமலதா.

மக்கள் விரும்பியதால்தான் கடந்த சட்டப்பேரவைத் தேர்தலில் அதிமுகவுடன் கூட்டணி அமைத்தோம். ஆனால், அது தவறு என்பதை இந்த ஓராண்டு கால ஆட்சியில் அதிமுக நிரூபித்துவிட்டது.

புதுக்கோட்டையில் குடிநீர்த் தட்டுப்பாடு தலைவிரித்தாடுகிறது, 5 நாள் 10 நாள்களுக்கு ஒருமுறைதான் குடிநீர் கிடைக்கும் அவலம் நீடிக்கிறது.

தேதிமுக ஆட்சிக்கு வந்தால் நதிகளை இணைத்து, தண்ணீர் பிரச்னையை அடியோடு தீர்க்கும். சொந்த செலவில் தினமும் லாரிகள் மூலம் குடிநீர் இலவசமாக அளிக்கப்படும்.என்றார் பிரேமலதா.

சினீமா நகைகளுக்கு போட்டியாக ரீவி.தொகுப்பாளிகள்

தற்போது சினிமா நடிகைகளுக்கு நிகராக கவர்ச்சி ஆடைகளில் கலக்க தொடங்கியிருக்கிறார்கள் தமிழ் தொலைக்காட்சி தொகுப்பாளினிகள்.

பொதுவாக நிகழ்ச்சி தொகுப்பாளர்களுக்கு தேர்வு செய்யும் போது அழகான தோற்றம், உச்சரிப்பு, உடை அலங்காரம் இதை எல்லாம் பார்த்துதான் தேர்வு செய்கின்றனர்.

ஆனால் தற்போது தொழில் போட்டி காரணமாக கவர்ச்சிக்கும் முக்கியத்துவம் கொடுக்க முனைகிறார்கள் என எண்ணத் தோன்றுகிறது.

சில தொலைக்காட்சிகளில் நிகழ்ச்சி தொகுப்பாளினிகளின் உடைகளை பார்க்கும் போது, சிறுவர்களுடன் இருந்து குறித்த நிகழ்ச்சியை பார்ப்பதற்கு சங்கடப்படும் அளவுக்கு கவர்ச்சி காணப்படுகிறது.

குறிப்பாக பாடல்களை மட்டுமே ஒளிபரப்பும் தொலைக்காட்சிகளை எடுத்துக்கொண்டால் டைட் டி சேர்ட், டைட் லெக்கின்ஸ் இதுதான் உடை என்றாகிவிட்டது.

அதை விட கொடுமை, சிறுவர்களுக்கான தொலைக்காட்சியில் தொகுப்பாளினிகளாக வரும் சிறுமிகளுக்கு கூட நாகரீகமற்ற ஆடைகளை அணிவித்து விடுகிறார்கள்.

இப்பொழுது ஷீ தமிழின் சொல்வதெல்லாம் உண்மை, மக்கள் தொலைக்காட்சி தொகுப்பாளர்கள், ஜெயா டிவியில் தேன் கிண்ணம் மற்றும் ஒரு சில சமையல் நிகழ்ச்சிகளின் தொகுப்பாளர்கள், போன்ற நிகழ்ச்சிகளில் மட்டுமே புடவை கட்டிக்கொண்டு நிகழ்ச்சி தொகுப்பாளர்கள் பணிபுரிவதை அவதானிக்கக்கூடியதாக இருக்கிறது.

ஆனால் ஆண் தொகுப்பாளர்கள் ரொம்போ ஸ்மார்ட். நீயா நானா, நடந்தது என்ன? நடத்தும் கோபிநாத், சன் டிவியில் டாப் 10 கூறும் விஜயகுமார், பெரும்பாலான செய்தி வாசிப்பாளர்களும் பங்குனி வெயில் பல்லிளித்தாலும் கோட் போட்டுதான் நிகழ்ச்சி நடத்துகிறார்கள்.

எந்த ராசிக்காரர்களுக்கு காதல் கைகூடும்

ரிஷபம், கடகம், கன்னி, தனுசு, மீனம் ஆகிய ராசிக்காரர்கள் காதலில் ஈடுபாடு உள்ளவர்களாக இருப்பார்கள். இதில் ரிஷப ராசிக்காரர்கள் காதலித்தவர்களையே கைபிடிப்பதில் உறுதியாக நிற்பார்கள் என்று கூறலாம். கன்னி ராசிக்காரர்கள் எப்போதுமே காதலித்துக் கொண்டிருப்பவர்கள்.

காதலிப்பார்கள், காதலில் ஈடுபாடு இருக்கும், காதலர்களை சேர்த்து வைப்பார்கள் என்று மேற்குறிப்பிட்ட 5 ராசிக்காரர்களையும் குறிப்பிடலாம். ஆனால் காதலில் வெற்றி பெறுவார்களா? காதலித்தவரை கைபிடிப்பார்களா? என்பதை அவர்களின் சொந்த ஜாதகத்தை வைத்தே கணிக்க முடியும்.

ஒருவரின் ஜாதகத்தில் சுக்கிரன் நன்றாக இருந்தால் அந்த ஜாதகர், தான் காதலித்தவரையே திருமணம் செய்து கொள்வார். சுக்கிரன் மோசமாக இருந்தால் காதலில் தோல்வி, திருமணத்திற்கு பின் குறுகிய காலத்தில் பிரிவு போன்ற சம்பவங்கள் ஏற்படும்.

சூப்பர் ஸ்டார் ரஜினிகாந்தைத் தொடர்ந்து இமையம் போகிறார் அயித்

சூப்பர் ஸ்டார் ரஜினிகாந், அடிக்கடி இமயமலை சென்றுவிடுவார். மனதை அமைதிப்படுத்த ஆன்மீகவே சரியான பாதை என உணர்ந்தவர் ரஜினி.

தற்போது அஜித் உம் ஆன்மீகத்தில் ஈடுபட தொடங்கியுள்ளார். தற்கால நடிகர்கள் ஓய்வு காலங்களில் பார்ட்டி, சுற்றுலா என கழிக்கும் இந் நேரத்தில் அஜித் மகராஷ்டிரா மாநிலத்தில் உள்ள ஷீரடி சாய்பாபா கோவிலுக்கு சென்று சாமி தரிசனம் செய்து விட்டு வருகிறார்.

சென்னையில் உள்ள சாய்பாபா கோவிலுக்கு செல்வதையும் வழக்கமாக கொண்டுள்ளார்.

எனினும் ஆன்மீகத்துக்கு தனது குடும்பத்தினரை வற்புறுத்துவதில்லையாம் தல.

இனி சிம்புவின் ஓய்வு நேர செயற்பாடுகளிலும் மாற்றத்தை காணாக்கூடியதாக இருக்கும் என எதிர்பார்க்கலாம்.

குஷ்புவுக்கும் பச்சைகுத்தப்பட்டது

திரை நட்சத்திரங்கள் தற்போது அதிக அளவில் பச்சை குத்தி வருகிறார்கள்.

சினிமாவில் சான்ஸ் கிடைப்பதற்காக ஜோதிடர் ஒருவரின் ஆலோசனைப்படி நமீதா தனது முதுகில் 27 நட்சத்திரங்களை பச்சைக்குத்தியுள்ளார்.

இதனை தொடர்ந்து குஷ்புவும் பச்சை குத்திக்கொண்டுள்ளார்.

தனது நாட்டுப்பற்றை காட்ட நம் தேசிய பறவையான மயிலை தனது முதுகில் பச்சை குத்தியுள்ளார். மேலும் அவர் தனது மணிக்கட்டில் தனது மகள்கள் அவந்திகா, அனந்திதா ஆகியோரின் பெயர்களை பச்சைக்குத்தியுள்ளார் என்பது குறிப்பிடத்தக்கது.

நடிகர் அர்ஜூன் தனது நாட்டுப்பற்றை வெளிப்படுத்த தனது கையில் தேசியக் கொடியை பச்சைக் குத்தியுள்ளமையும் குறிப்பிடத்தக்கது.

யாழில் 34 பேர் கைதுசெய்யப்பட்டுள்ளனர்

யாழ். குடாநாட்டில் கடந்த ஒரு வார காலத்தில் பிடிவிறாந்து பிடிக்கபட்ட 34 பேரை யாழ். பொலிஸார் கைது செய்துள்ளதுடன் அவர்கள் தடுத்து வைக்கப்பட்டுள்ளதாக யாழ். பிராந்திய பிரதிப் பொலிஸ் மா அதிபர் இன்று திங்கட்கிழமை ஊடகங்களுக்கு தெரிவித்துள்ளார்.

அத்துடன், பல்வேறு குற்றச் செயல்களுடன் தொடர்புடையவர்கள் என சந்தேகிக்கப்படும் சந்தேகநபர்களை கடந்த வாரத்தில் பொலிஸார் கைது செய்துள்ளனர்.

கொள்ளை உள்ளிட்ட பல்வேறுபட்ட 14 குற்றச் செயல்களுடன் தொடர்புடையவர்கள் எனச் சந்தேகிக்கப்படும் சந்தேக நபர்களை பொலிஸார் கைது செய்துள்ளதாக இன்று (04) யாழ். பொலிஸ் தலைமைச் செயலகத்தில் நடைபெற்ற செய்தியாளர் சந்திப்பில் பிரதி பொலிஸ் மா அதிபர் எரிக் பெரேரா தெரிவித்தார்.

கைது செய்யப்பட்ட சந்தேக நபர்களையும் அவர்களிடம் இருந்து மீட்க்கப்பட்ட பொருட்களையும் நீதிமன்றங்களில் முன்னிலைப்படுத்தியதாக பிரதி பொலிஸ் மா அதிபர் குறிப்பிட்டார்.

நாவற்குழியில் அண்மையில் 8 வயது சிறுமியை பாலியல் துஸ்பிரயோகம் செய்தவர் என சந்தேகிக்கப்படும் நபரை கைது செய்து நீதிமன்றில் முன்னிலைப்படுத்தியதாகவும் நீதிமன்ற உத்தரவின் பேரில் சந்தேக நபர் விளக்கமறியலில் வைக்கப்பட்டுள்ளதாகவும் தெரிவித்த பிரதி பொலிஸ் மா அதிபர், பாதிக்கப்பட்ட சிறுமியின் வைத்திய அறிக்கை கிடைக்கப் பெற்றவுடன் மீளவும் நீதிமன்றில் முன்னிலைப்படுத்தவுள்ளதாக குறிப்பிட்டார்.

அச்சுவேலியில் அண்மையில் கொலை செய்யப்பட்ட 81 வயது மூதாட்டியின் வீட்டில் கொள்ளைகள் எதுவும் இடம்பெறவில்லையென தெரிவித்த யாழ். மாவட்ட பிரதி பொலிஸ் மா அதிபர், சம்பவம் தொடர்பில் ஐந்து பேர் சந்தேகத்தின் பேரில் கைது செய்யப்பட்டு விசாரணையின் பின் விடுதலை செய்யப்பட்டுள்ளதாக தெரிவித்தார்.

பாம்பு என்றால் யார் நடுங்குவது

பாம்பென்றால் படையும் நடுங்கும் என்பார்கள். இங்கு இவ் இளைஞனின் துணிவை பாருங்கள்

ராணி எலிசபெத்தின் வைரவிழா கொண்டாட்டங்கள் (video)

 
பிரிட்டிஷ் மகாராணியாக இரண்டாம் எலிசபெத் பதவியேற்று 60 ஆண்டுகள் நிறைவடைவதை குறிக்கும் பொருட்டு வைர விழா கொண்டாட்டங்கள் பிரிட்டனில் நான்கு நாட்கள் நடைபெறுகின்றன. பிரிட்டிஷ் மன்னரான ஆறாம் ஜார்ஜ்ஜுக்கும் அவர் துணைவியார் எலிசபெத்துக்கும் மூத்த பிள்ளையாக… 

1926ஆம் ஆண்டு பிறந்தவர் எலிசபெத் அலெக்ஸாண்ட்ரா மேரி. 1952ஆம் ஆண்டு தனது தந்தை காலமான நிலையில் 26 வயதிலேயே நாட்டின் மகாராணியாக இரண்டாம் எலிசபெத் முடிசூடினார். பிரிட்டனில் பிரதமர் தான் அரசாங்கத்தின் தலைவர் என்றாலும் நாட்டின் தலைவராகவும் தேசத்தின் தலைவராகவும் விளங்க வேண்டிய கடமைகள் அரியணை ஏறுபவருக்கு உண்டு.

பிரிட்டனில் நூற்றாண்டுகள் காலம் பரிணாம வளர்ச்சிக் கண்டுள்ள அரசியல் சாசன கடமைகளையும் பிரதிநிதித்துவப் பொறுப்புகளையும் மகாராணி இரண்டாம் எலிசபெத் நிறைவேற்றிவருகிறார். வைர விழா கொண்டாட்டங்கள் ஜூன் 2ஆம் திகதி தொடங்கி 5ஆம் திகதி வரையில் பிரிட்டனில் பல இடங்களில் கொண்டாடப்படுகின்றன.

கொண்டாட்டங்களின் துவக்கத்தை அறிவிப்பதற்காக இன்று லண்டன் எடின்பரோ கார்டிஃப் பெல்ஃபாஸ்ட் ஆகிய ராஜ்ஜியத் தலைநகரங்களில் 41 தடவை பீரங்கி வேட்டு தீர்க்கும் இராணுவச் சடங்கு மேற்கொள்ளப்பட்டது. சனிக்கிழமை லண்டன் அருகேயுள்ள டார்பியில் நடக்கும் குதிரைப் பந்தயத்தில் மகாராணி குடும்பத்தாரோடு கலந்துகொண்டுள்ளார்.

மகாராணி முன்னிலையில் பிரிட்டனின் முன்னணி ஓபரா இசைப் பாடகி கேதரின் ஜென்கின்ஸ் எ டே ஐவில் நெவர் ஃபர்கெட் என்ற பிரிட்டனின் தேசிய கீதத்தைப் பாடினார். ஞாயிறன்று லண்டனில் ஓடும் தேம்ஸ் நதியில் கடந்த முந்நூற்று ஐம்பது ஆண்டுகளில் இல்லாத ஒரு மாபெரும் படகு ஊர்வலம் ஏற்பாடு செய்யப்பட்டுள்ளது. ஆயிரம் படகுகள் அணிவகுக்கவுள்ள இந்த ஊர்வலத்தில் மஹாராணியும் ஒரு படகில் பயணிக்கவுள்ளார்.

திங்களன்று முன்னணி இசைக்கலைஞர்கள் பங்குபெறும் பிரம்மாண்ட கச்சேரி ஒன்று பங்கிங்ஹாம் அரண்மனைக்கு வெளியே ஏற்பாடு செய்யப்பட்டுள்ளது. செவ்வாய்க்கிழமையன்று இராணுவ அணிவகுப்புடன்கூடிய ஊர்வலத்தில் ராணி பங்கேற்கிறார். வைர விழாக் கொண்டாட்டங்களின் அங்கமாக ஐக்கிய ராஜ்ஜியத்திலும் உலகின் வேறு பல இடங்களிலுமாக 4000 ஜோதிகள் ஏற்றப்படவிருக்கின்றன.

கொண்டாட்டங்களின் நிறைவாக பக்கிங்ஹாம் அரண்மனை அருகே வானவேடிக்கை நிகழ்ச்சியும் நடக்கவிருக்கிறது. இந்த கொண்டாட்ட காலம் முழுக்கவும் பிரிட்டனில் அரசு விடுமுறை தினங்களாக அறிவிக்கப்பட்டு பள்ளிக்கூடங்களும் அலுவலகங்களும் மூடப்பட்டுள்ளன. ஏராளமான வீதி விருந்துகளும் பொது நிகழ்ச்சிகளுமாக பிரிட்டன் விழாக்கோலம் பூண்டுள்ளது. 

முருகன் ஆலயத்தினுள் இராணுவ உடையணிந்தோர் அட்டகாசம்

மட்டக்களப்பு தாந்தாமலை முருகன் ஆலயத்தை அண்டிய, முத்தையா சுவாமிகள் வசித்த கந்தவேள் எனும் முருகன் ஆலயத்தினுள் நேற்று முன்தினம் பிரவேசித்த இராணுவ உடையணிந்தோர் அங்கிருந்த கருங்கற்களினாலான தூண்கள், சிறிய கட்டடம் மற்றும் வழிபாட்டு பொருட்களை அடித்து நொறுக்கியுள்ளனர்.

அங்கு நேரில் சென்று பார்வையிட்ட தமிழ் தேசிய கூட்டமைப்பு பாராளுமன்ற உறுப்பினர் பா.அரியநேத்திரன் இச்சம்பவம் தொடர்பாக குறிப்பிடுகையில்,

தாந்தாமலை முருகன் ஆலயமும் அதனை அண்டிய பிரதேசங்களும் இந்துக்களின் பூர்வீக வழிபாட்டுக்குரிய புனித பிரதேசமாகும்.

இந்தப் பிரதேசங்களில் அண்மைக் காலமாக பெரும்பாண்மை இனத்தவர்களும் இராணுவத்தினரும் இந்துக்களின் வழிபாட்டு தலங்களை அழித்துவிட்டு, பௌத்த விகாரைகளை அமைப்பதற்கு முயற்சித்து வருகின்றனர்.

இதன் ஒரு பகுதியாகத்தான் கடந்த சில மாதங்களுக்கு முன் கச்சைக்கொடி சுவாமிமலை எனும் இந்துக்களின் பூர்வீக பிரதேசத்தில் அங்குள்ள பௌத்த பிக்குகள் இராணுவம் மற்றும் பொலிசாரின் உதவியுடன் பௌத்த விகாரை அமைப்பதற்கான நடவடிக்கைகளை மேற்கொண்டு வருகன்றனர்.

இவற்றையும் நான் நேரில் சென்று பார்வையிட்டு விகாரை அமைப்பதை உடன் நிறுத்துமாறு ஜனாதிபதி அவர்களிடம் கேட்டிருந்தேன்.

எனவே இந்துக்களின் பூர்வீக வழிபாட்டுத் தலங்களை பூண்டோடு அழித்துவிட்டு அந்த இடங்களில் பௌத்த விகாரைகளை நிறுவுவதற்கு இலங்கை அரசின் அணுசரணையுடன் பௌத்த பிக்குகள் செயற்படுகின்றனர்.

இதற்கு இராணுவத்தினரும் பொலிசாரும் பாதுகாப்பளிக்கின்றனர் என அவர் மேலும் தெரிவித்துள்ளார்