கண்டி மற்றும் மஹியங்கனை இடையிலான 18 வளைவுவீதி திறக்கப்பட்டுள்ளது

கண்டி மற்றும் மஹியங்கனை ஆகிய நகரங்களை இணைக்கும் 18 வளைவுகள் கொண்ட வீதி ஜனாதிபதி மஹிந்த ராஜபக்ஷவினால் இன்று ஞாயிற்றுக்கிழமை திறந்து வைக்கப்பட்டது.

500 கோடி ரூபாய் செலவில் மூன்று வருடங்களாக நிர்மாணிக்கப்பட்டு வந்த இவ்வீதி, திறக்கப்படுவதால் மஹியங்கனையிலிருந்து கண்டிக்கு செல்லும் நேரம் இரண்டு மணித்தியாலங்களினால் குறையும் என வீதி அபிவிருத்தி சபை தெரிவிக்கின்றது.
 

24h news 5.5.2012 .இரவுச்செய்திகள்(வீடியோ)

ஜனாதிபதியின் சம்மா சம்புத்த வாழ்த்து செய்தி!

ஜனாதிபதியின் வெசாக் தின வாழ்த்து செய்தி…!

புத்த பெருமானின் வாழ்வில் மிக முக்கிய மூன்று நிகழ்வுகளைக் குறித்து நிற்கும் வெசாக் பெருவிழாவை பூரண அரச அனுசரணையுடன் கொண்டாடக் கிடைத்தமையை நான் பெரும் பாக்கியமாக கருதுகின்றேன்.
கடந்த வெசாக் பண்டிகையின் போது உதயமான ஸ்ரீசம்புத்தத்வ ஜயந்தி வருடத்தில் இலங்கைவாழ் பெளத்த மக்கள் பெளத்த கொள்கைகளுக்கு மிகுந்த முக்கியத்துவம் அளித்ததைக் கண்டு நாம் பெரிதும் மகிழ்ச்சியடைந்தோம்.

புத்தபெருமானின் மீதான ஆழ்ந்த தியானத்தின் அபரிமிதமான மகிழ்ச்சியுடன் இந்த வெசாக் தினத்தில் சம்புத்தத்வ ஜயந்தி கொண்டாட்டங்கள் நிறைவுபெறுகின்றன என்ற வகையில் இந்த வருடத்தில் இலங்கையெங்கும் பரவிச் சென்ற பாரிய சமய எழுச்சி- ஞானம்- அர்ப்பணம் என்பவற்றை நாம் நினைவுகூருகிறோம்.

புத்த பெருமானின் மீதும் அவரது போதனைக ளின் மீதும் உள்ள இந்த மகிழ்ச்சி எல்லா இலங்கையர்களினதும் உள்ளங்களிலும் நீடித்து நிலைத்துநிற்க வேண்டுமென்பதே எமது விருப்பமாகும்.

குழப்பமில்லாத ஒரு வாழ்க்கையை முன்னெடுக்க புத்தரின் போதனைகள் சிறந்த வழியாகும்.

இந்தப் போதனைகள் தீமைகள் இல்லாத வாழ்வுக்கும் ஈருலக வெற்றிக் கும் வழிகாட்டுகின்றன.

பிழையான எண்ணங்கள்- சிந்தனைகளைக் கொண்டவர்கள் எமது முன்னேற்றத்தின் வாயில்களை மூடிவிடும் பல்வேறு பிரிவினைகளையும் மோதல்களையும் தோற்றுவிக்கின்றனர் என்பதை நாம் அறிந்துகொள்ள வேண்டும்.

அத்தனாவ கதங் பாபங் – அத்தனா ஸங்கிலிஸ்ஸதி
அத்தனா அகதங் பாபங் – அத்தனாவ விஸ¤ஜ்ஜிதி
ஸ¤த்தி அஸ¤த்தி பச்சத்தங் – நாஞ்ஞோ அஞ்ஞங் விஸோதயே

உன்னாலேயே பாவம் செய்யப்படுகிறது. உன்னையே அது அசுத்தப்படுத்துகிறது. பாவம் செய்யாமலிருப்பவர் தன்னைத்தானே சுத்தம் செய்துகொள்கிறார். பாவமும் புண்ணியம் உன்னாலேயே செய்யப்படுகின்றன.

ஒருவர் இன்னொருவரைச் சுத்தம் செய்ய முடியாது என தம்மபதம் குறிப்பிடுகின்றது.

எனவே இந்த வெசாக் பண்டிகைக் காலத்தில் எல்லாவகையான பிரிவினைகளையும் ஒதுக்கிவிட்டு தேசிய ஐக்கிய சமய நல்லிணக்கத்திற்காக அர்ப்பணத்துடன் செயற்பட்டு பெளத்த போதனைகளின் ஒளியில் ஈருலக வெற்றிக்கு வழிசெய்வோம்.

உங்கள் எல்லோருக்கும் சம்மா சம்புத்த நல்லாசிகள்!

தொலைக்காட்சி நிகள்வு்களின் ஏற்பாடுகள் எப்படி நடக்கிறது பாருங்கள் (வீடியோ)

தொலைக்காட்சி நிகழ்சிக்கு முன் நடைபெறும் சில நிகழ்வுகள் உங்களுக்கு கவனமாக செயற்படுங்கள்

தற்போது பெண்களை ஆண்கள் விரும்புவதா ஆண்களை பெண்களை விரும்புவதா அதிகம்

திருமணத் தகவல் தொடர்பு இணையதளம் ஒன்று மேற்கொண்ட ஆய்வில், அழகான பெண்ணே மனைவியாக வரவேண்டும் என ஆண்களும்; நல்ல வேலையில் உள்ள ஆண் தான் கணவனாக வரவேண்டும் என பெண்களும் விரும்புகின்றனர் என்பது தெரியவந்துள்ளது.

டில்லியைச் சேர்ந்த திருமணத் தகவல் தொடர்பு இணையதளம் ஒன்று, தன் இணையதளத்தில் திருமணத்துக்காகப் பதிவு செய்திருந்த ஆண், பெண் உட்பட ஐயாயிரம் பேரிடம் ஆய்வு ஒன்றை நடத்தியது. தன் வருங்கால கணவன் அல்லது மனைவி எப்படி இருக்க வேண்டும் என்பது குறித்து ஆய்வில் கலந்து கொண்டவர்களிடம் கேள்விகள் கேட்கப்பட்டன.அந்த ஆய்வில், பெண் குடும்பத்தாரின் பின்னணிக்கு, 49 சதவீத ஆண்கள் முன்னுரிமை அளித்துள்ளனர். பெண்ணின் அழகான தோற்றத்துக்கு, 48 சதவீதம் பேர் முக்கியத்துவம் அளித்துள்ளனர். 39 சதவீதம் பேர், தனக்கு வரும் மனைவியின் கல்வி குறித்து கவலை தெரிவித்துள்ளனர். 47 சதவீதம் பேர், வருங்கால மனைவியின் வேலைவாய்ப்பு குறித்து கருத்து தெரிவித்துள்ளனர். 45 சதவீதம் பேர், பெண்ணின் ஜாதி மற்றும் இனம் குறித்து அக்கறை தெரிவித்துள்ளனர். மாறாக, 54 சதவீதம் பெண்கள், தங்களுக்கு கணவனாக அமையப் போகிறவரின் வேலை குறித்து அக்கறை தெரிவித்துள்ளனர்.

53 சதவீதம் பேர், கல்வி குறித்தும், 52 சதவீதம் பேர், கணவரின் குடும்பப் பின்னணி குறித்தும் கருத்து தெரிவித்துள்ளனர். 46 சதவீதம் பேர், ஜாதிக்கு முக்கியத்துவம் கொடுக்கின்றனர். 65 சதவீதம் பெண்கள், ஆண்களின் தோற்றத்தை முக்கியமானதாகக் கருதவில்லை.இதுகுறித்து அந்த இணையதளத்தின் தலைவர் கூறுகையில், “பெற்றோரால் நிச்சயிக்கப்பட்ட திருமணங்களின் போக்கு இக்காலத்தில் மாறிவருகிறது. அப்படிப்பட்ட நிலையில் கூட, ஜாதி மற்றும் குடும்பப் பின்னணி முக்கிய காரணிகளாகவே கருதப்படுகின்றன. இதற்கு, மணமகன் தன் பெற்றோரின் கருத்துக்கு இணங்கிச் செல்வதே முக்கிய காரணம். பெண்கள் தங்களின் பாதுகாப்பான வாழ்க்கை குறித்து கவலைப்படுவதால், கணவனின் கல்வி மற்றும் வேலைக்கு முக்கியத்துவம் கொடுக்கின்றனர்’ என்று தெரிவித்தார்.இருப்பினும், அழகான பெண்ணே தனக்கு மனைவியாக வரவேண்டும் என்ற ஆண்களின் எதிர்பார்ப்பே ஒருவகையில் சட்டவிரோதமான கள்ளத் தொடர்புகளுக்கும் வழிவகுத்து விடுகிறது என்பதும் இங்கு குறிப்பிடத்தக்கது.

இராணுவ சிப்பாய்கள் இருவர் பலி

யாழ்ப்பாணம் ஸ்ரான்லி வீதியோரமாக ஈபிடிபி அலுவலகத்திற்கு முன்னாள் உள்ள இராணுவ பாதுகாப்புச் சோதனைச் சாவடியொன்றில் இன்று வெள்ளிக்கிழமை காலை 7.30 மணியளவில் பாதுகாப்புக் கடமையில் ஈடுபட்டிருந்த இரண்டு இராணுவ சிப்பாய்கள் துப்பாக்கிச் சூட்டுக்கு இலக்காகி பலியாகியுள்ளனர்.

இந்த இரு இராணுவ சிப்பாய்களும் பாதுகாப்புக் கடமையில் ஈடுபட்டிருந்தபோது, ஒரு சிப்பாய்   மற்றுமொரு இராணுவ சிப்பாய் மீது துப்பாக்கிச் சூடு மேற்கொண்டுள்ளார்.

இந்த இரு இராணுவ சிப்பாய்களுக்கிடையில் ஏற்பட்ட தனிப்பட்ட காரணத்தின் காரணமாக இந்த சம்பவம் நடைபெற்றதாக இராணுவத்தினர் தெரிவித்தனர்.

தனது சக சிப்பாய் மீது தொடர்ந்து துப்பாக்கிச் சூடு மேற்கொண்ட இராணுவ சிப்பாய் தன்னைத்தானே சுட்டு தற்கொலை செய்துகொண்டுள்ளார்.

இச் சம்வப இடத்திற்கு சென்ற யாழ்.நீதிமன்ற நீதிவான் மா.கணேசாராச மற்றும் சட்ட வைத்திய அதிகாரி நேரில் சென்று விசாரணைகளை மேற்கொண்டு சடலத்தை யாழ்.போதனா வைத்தியசாலையில் ஒப்படைக்குமாறு நீதிவான் பொலிஸாருக்கு உத்தரவிட்டுள்ளார்.

யாழில் கயிறு தயாரிக்கும் தொழிலாளி

24h news யாழில் நடைபெற்ற பெரகரா டான்ஸ்

24h news சிங்கள டான்ஸ் 3

எந்த விடியோவையும் மெயிலில் அனுப் ஏதுவான புதிய மென்பொருள்

வீடியோவை பகிர்வது என்றாலே தலைவழியாக உள்ளது. பெரிய அளவு விடியோவை மெயில் செய்ய முடியாது அதற்கு திர்வு தான் Vigleo மென்பொருள் வீடியோ ஒரு வேகமான வழியில் ஒரு சுலபமாக பகிர செய்யலாம். உங்கள் கணினியில் இருந்து எந்த வடிவத்தில் எந்த வீடியோ எடுத்து Vigleo அதை சேர்க்க வேண்டும். பின்பு இதை நீங்கள் மின்னஞ்சல் மூலம், அல்லது உங்கள் சொந்த வலை தளத்தில் அதை சேர்க்க ஒரு குறியீட்டை உட்பொதி கிடைக்கும்

 Vigleo உங்கள் Web Cam வீடியோ பதிவு அல்லது ஒரு வீடியோ பயிற்சி செய்ய உங்கள் திரையில் ஒரு திரை பிடிப்பு செய்ய வாய்ப்பு கொடுக்கிறது.இயங்குதளம்: விண்டோஸ் எக்ஸ்பி / விஸ்டா / 7download

பேஸ்புக்கில் நண்பர்களுடன் பாடல் கேட்கும் வசதி

நண்பர்களுடன் பேசி(chat)க்கொண்டிருக்கும் போதே, விரும்பிய பாடல்களையும் கேட்டுக்கொள்ளும் வசதியை ஃபேஸ்புக் அறிமுகப்படுத்தியுள்ளது.

ஒருவருடன் என்று மட்டுமல்லாது பல நண்பர்களுடனும் பாடல்களைக்கேட்டுக்கொண்டே சட் பண்ண முடியும்.
அனைவருக்கும் ஒரே நேரத்தில் பாடல் ஒலிப்பதனால், விருப்பத்திற்குரிய குறிப்பிட்ட “பாடல் வரிகளை”ப்பற்றிய கருத்துக்களை கூட ஒரே நேரத்தில் கலந்துரையாட முடியும்

.ஏற்கனவே உள்ள சட்டிங் லிஸ்ட்டுடன் இணைந்து உருவாக்கப்பட்டுள்ள இச்சேவையானது பாவனைக்கு மிக இலகுவாகவும், தனிமையைப்போக்கி அனைவரும் பக்கத்தில் இருப்பது போன்ற உணர்வைக்கொடுக்கும் என ஃபேஸ்புக் நிறுவந்தார் தெரிவித்துள்ளனர்

.இது எப்படி தோற்றமளிக்க உள்ளது என்பதை பின்வரும் படங்களில் பாருங்கள்.

 ஃபேஸ்புக்கின் இவ் வசதி கூகுள்+ இற்கு மேலும் பின்னடைவை ஏற்படுத்தக்கூடும்.

இச்சேவையப்பெற நீங்கள் “Music App” அப்லிகேஷன்களை நிறுவ வேண்டும்.

தமிழ் குளோனின் பரிந்துரை அப்லிகேஷன்களை “இங்கு” நீங்கள் காணலாம்.

யாழ் ஊடக சுதந்திரதின ஒளிப்படக்கண்காட்சி (வீடியோ-video)

ஊடக சுதந்திரதினத்தினை முன்னிட்டு சுதந்திர ஊடகக்குரல் நடாத்தும் ஒளிப்படக்கண்காட்சி யாழ் நாவலர் வீதியில் உள்ள தியாகிகள் அறக்கட்டளை நிலையத்தில் நேற்று (02.05.2012) புதன் கிழமை காலை 9.10 முதல் ஆரம்பமாகி மாலை வரை நடைபெற்றது 


இங்கு காட்சிப்படுத்தப்பட்ட காட்சிப்படங்களின் வீடியோ

யூத்துகளின் விளையாட்டை பாருங்கள் youth sports jaffna.mp4 (வீடியோ.video)

புதுவருடத்தை ஒட்டி யாழில் இளைஞோர் விளையாட்டு அமைச்சால் நடத்தப்பட்ட விளையாட்டு நிகழ்வுகள்

யாழ்ப்பாணத்தில் ஒருவன் பிச்சை எடுத்தால் எப்படி இருக்கும் (வீடியோ)

எதிர்க்கட்சிகளின் மே தின ஊர்வலத்தில் மர்ம நபர்கள் புலிக்கொடியுடன்

யாழ்ப்பாணத்தில் இடம்பெற்ற எதிர்க்கட்சிகளின் மே தின ஊர்வலம் கோயில் வீதியூடாக வந்து கொண்டிருந்தவேளை, இனந்தெரியாத நபர்கள் சிலர், ஊர்வலத்தில் சென்றவர்களுக்கு புலிக்கொடியை விரித்துக் காட்டியவாறு ஓடிச்சென்று மறைந்தனர்.

தங்களது காற்சட்டைப் பைகளில் மறைத்து வைத்திருந்த புலிக்கொடியை எடுத்துக்கொண்டு, 5 மர்ம நபர்கள், மே தின ஊர்வலத்தில் கலந்துகொண்டவர்களுக்கு காட்டியவாறு ஓடிச் சென்றனர்.

குறித்த நபர்கள் எதற்காக இவ்வாறு செய்தனர் என்பதும், அவர்களது நோக்கம் என்ன என்பதும் இதுவரை கண்டறியப்படவில்லை.

Rare Two Head Snake in India(Video) அபூர்வ நாகம் (வீடியோ)

இரட்டைத் தலை உடைய அபூர்வ நாகம் ஒன்று இந்தியாவைச் சேர்ந்த பாம்பாட்டி ஒருவரிடம் உள்ளது என வீடியோவுடன் செய்திகள் வெளியாகி உள்ளன.பாம்பாட்டி மகுடி ஊதுகின்றார். இந்நாகம் ஆடுகின்றது.

ஈ.பி.டி.பி.யின் மேதினக்கூட்டம் யாழ் மாநகர சபைத் திடலில்

இவ்வருடத்திற்காக ஈ.பி.டி.பி.யின் மேதினக்கூட்டம் யாழ் மாநகர சபைத் திடலில் நடைபெற்றது  கூட்டத்தில் தற்போது கூடாக வடபகுதி மக்களுடைய உணர்வுகள், அபிலாசைகள் சுதந்திரமாக வெளிப்படுத்துவதற்கான சூழல் ஏற்பட்டுள்ளது என பாரம்பரிய கைத்தொழில்கள் மற்றும் சிறுதொழில் முயற்சி அபிவிருத்தி அமைச்சர் டக்ளஸ் தேவானந்தா அவர்கள் தெரிவித்துள்ளார். 

ஜக்கிய கூட்டின் மேதின கொண்டாட்டம்

யாழ்ப்பாணத்தில் இன்று நடந்த மேதினப் பேரணியில் ரணிலும் சம்மந்தனும் ஆயிரக்கணக்கான மக்கள் முன் தூக்கிப் பிடித்துக் காட்டும் போது அந்த சந்தோசத்தில் விஜயகலா மகேஸ்வரன் இருவருக்கும் பக்கத்தில் நின்றார்

ஒலிம்பிக் அரங்கில் ஏவுகணை தளங்கள்

தீவிரவாத அச்சுறுத்தல் உள்ள உலகின் தலை நகரங்களில் லண்டன் முக்கியமானதாகும். அதிலும் இவ்வருட கோடைகாலத்தில்

லண்டனில் கோலாகலமாகத் தொடங்கவுள்ள சர்வதேச ஒலிம்பிக் போட்டிகளை முன்னிட்டு பாதுகாப்பு நடவடிக்கைகள் மிக மும்முரமாக மேற்கொள்ளப்பட்டு வருகின்றன.

தீவிரவாதிகளின் குறித்த தாக்குதல்கள் வான் வழியாக வந்து நிகழும் வாய்ப்பும் பெரும்பாலும் இருப்பதால் அவற்றைத் தரையிலிருந்தே தடுப்பதற்காக,  அதி வேகமுடைய ஏவுகணைகளையும் அவற்றை இயக்க படை வீரர்களுக்கான தற்காலிக 

நிறுத்தங்களையும், இலண்டனின் ஒலிம்பிக் விளையாட்டு அரங்குகளைச் சுற்றி அமைந்துள்ள சாதாரணமான மற்றும் மாடி வீடுகளின் கூரையில் அமைக்க பிரித்தானிய அரசு திட்டமிட்டுள்ளது.

இதையொட்டி தனியார் நிறுவனங்களில் வேலை செய்யும் அரச சார்பற்ற பொதுமக்கள் உட்பட சுமார் 700 மக்களுக்குச் சொந்தமான மாடிவீடுகளில் இத்திட்டத்தை அமுல் படுத்த  பிரித்தானிய அரசு வலுக்கட்டாயமாக அனுமதி கோரியதுடன் எச்சரிக்கையும் விடுத்துள்ளது. இத்திட்டம் பற்றி பிரிட்டனின் பாதுகாப்பு அமைச்சர் பிலிப் ஹம்மொன்ட் கூறுகையில் இன்னும் சில தினங்களுக்குள் இந்த ஏவுகணைகள் குறித்த் இடங்களில்  நிறுவப்படும் எனவும் இதற்கு பொதுமக்களின் அனுமதி பெறப்படும் எனவும் மொழிந்தார்.

இன்று மே தினம்

இன்று மே தினம் இதனையிட்டு நாடளாவிய ரீதியில் மே தினக் கூட்டங்களும் ஊர்வலங்களும் ஏற்பாடு செய்யப்பட்டுள்ளன. நாட்டின் பிரதான கட்சிகள் கொழும்பு, யாழ்ப்பாணம், நுவரெலியா மாவட்டங்களில் தமது மே தின நிகழ்வுகளையும் பேரணிகளையும் நடத்தவுள்ளதுடன் இந்நிகழ்வுகள் நடைபெறும் பகுதிகளில் பாதுகாப்பும் பலப்படுத்தப்பட்டுள்ளன.

ஐக்கிய மக்கள் சுதந்திர முன்னணியின் மே தின வைபவம் இம்முறை 'நாடே முதன்மை' (ரட எகட) என்ற தொனிப் பொருளில் நடைபெறவுள்ளதுடன் இன்று காலையிலும் பிற்பகலிலும் பல்வேறு கட்சிகளினதும் மே தின ஊர்வலங்களும், நிகழ்வுகளும் ஏற்பாடு செய்யப்பட்டுள்ளன. மே தினக் கொண்டாட்டங்கள் பேரணிகள் நடைபெறும் சகல பிரதேசங்களினதும் பாதுகாப்பைப் போன்றே வாகன நெரிசல்களைக் கட்டுப்படுத்தும் வகையில் பல்வேறு மாற்று ஏற்பாடுகள் மேற்கொள்ளப்பட்டுள்ளன. போக்குவரத்து பொலிஸ் பிரிவு இதற்கான சகல ஒழுங்குகளையும் செய்துள்ளதாக பொலிஸ் தலைமையகம் தெரிவித்தது. மே தின நிகழ்வுகளையொட்டி மேலதிகமாக பத்தாயிரம் பொலிஸார் கடமையில் ஈடுபடுத்தப்படவுள்ளனர். பிரதான கட்சிகளின் மே தினக் கொண்டாட்டங்கள் நடைபெறும் கொழும்பு, யாழ்ப்பாணம், மலையகப் பகுதிகளுக்கு கூடுதல் பொலிஸாரை கடமையில் ஈடுபடுத்துவதுடன் பாதுகாப்புப் பணிகள் பொலிஸாரின் பூரண கட்டுப்பாட்டிற்குள் இருக்குமெனவும் மே தினக் கூட்டங்கள் நடைபெறும் பகுதிகளில் வீதிகள் மூடப்படவுள்ளதாவும் பொலிஸ் வட்டாரங்கள் தெரிவித்தன. அரசாங்கமும் அரசாங்கத்தில் அங்கம் வகிக்கும் சில கட்சிகளும் இணைந்து மே தினக் கொண்டாட்ட நிகழ்வுகளை கொழும்பு நகர சபை முன்றலில் நடத்தவுள்ளன. ஜனாதிபதி மஹிந்த ராஜபக்ஷ அவர்களின் தலைமையில் நடைபெறும் இந்நிகழ்வில் தொழிலாளர் வர்க்கத்தினருக்கு நன்மையளிக்கும் பல முக்கிய தீர்மானங்களும் நிறைவேற்றப்படவுள்ளன. அரசாங்கத்தின் மே தின ஊர்வலம் முற்பகல் 11 மணியளவில் கொழும்பு பொரளை கெம்பல் பூங்கா மைதானத்திலிருந்து ஆரம்பமாகும். ராஜகிரிய, நாரஹேன்பிட்டி பகுதிகளிலிருந்து தனித்தனி ஊர்வலமாக வரும் தேசிய சுதந்திர முன்னணி, மக்கள் ஐக்கிய முன்னணி ஆகியவற்றின் பேரணிகள் கெம்பல் பூங்காவில் ஒன்றாக இணைந்து அங்கிருந்து பிரதான நிகழ்வுகள் நடைபெறவுள்ள கொழும்பு மாநகர சபை முன்றலை சென்றடையும். ஐக்கிய தேசியக் கட்சியின் மே தினக் கூட்டம் இம்முறை யாழ்ப்பாணத்தில் நடைபெறவுள்ளது. நல்லூர் கந்தசுவாமி தேவஸ்தானத்திலிருந்து ஆரம்பமாகும் ஊர்வலம் யாழ்ப்பாணம் குருநகரை அடைந்ததும் எதிர்க் கட்சித் தலைவர் ரணில் விக்கிரமசிங்கவின் தலைமையில் விழா நிகழ்வுகள் நடைபெறவுள்ளன. இம்முறை ஐ.தே.க. வுடன் தமிழ்த் தேசியக் கூட்டமைப்பும் இணைவதுடன் நவசம சமாஜக் கட்சி, பூமிபுத்ர புதிய சிஹல உறுமய, ருஹுணு, ஜனநாயக மக்கள் முன்னணி ஆகிய கட்சிகளும் எதிர்க் கட்சியின் மே தினக் கொண்டாட்டங்களில் இணைகின்றன. இலங்கை தொழிலாளர் காங்கிரஸ் இம்முறை தமது மே தினக் நிகழ்வுகளை கினிகத்தேனையில் நடத்துகிறது. அமைச்சர் ஆறுமுகன் தொண்டமானின் தலைமையில் நடைபெறும் இந்நிகழ்வுகளில் இ.தொ.கா. வின் முக்கியஸ்தர்கள் பலரும் கலந்து கொள்வதுடன் வட்டவளை நகரிலிருந்து கினிகத்தேனை வரை ஊர்வலம் பேரணியாகச் செல்லும். மலையகப் பாரம்பரிய கலை கலாசார நிகழ்ச்சிகளை உள்ளடக்கியதாக இந்த ஊர்வலம் நடைபெறவுள்ளது. ஜே. வி. பி. யின் மே தின நிகழ்வுகள் கட்சித் தலைவர் சோமவன்ச அமரசிங்கவின் தலைமையில் கொழும்பு பி. ஆர். சி. மைதானத்தில் நடைபெறவுள்ளதுடன் இவர்களின் ஊர்வலம் களுபோவிலையிலிருந்து ஆரம்பமாகவுள்ளது. இலங்கை கம்யூனிஸ்ட் கட்சி, லங்கா சமசமாஜக் கட்சி, மக்கள் இடதுசாரி ஐக்கிய முன்னணி ஆகிய கட்சிகளின் மேதினக் கூட்டம் கொழும்பில் நடைபெறுவதுடன், சுகாதார சேவைகள் தொழிற்சங்கக் கூட்டமைப்பின் மேதினக் கூட்டமும் கொழும்பு ஹைபார்க் மைதானத்தில் நடைபெறவுள்ளது. மலையக மக்கள் முன்னணி பூண்டு லோயாவில் தமது மேதினக் கூட்டத்தை ஏற்பாடு செய்துள்ளது. கட்சியின் தலைவி திருமதி சாந்தினிதேவி சந்திரசேகரவின் தலைமையில் நடைபெறவுள்ளதுடன் மாபெரும் இன்னிசைக் கச்சேரியொன்றும் இடம்பெறவுள்ளது. தொழிலாளர் தேசிய சங்கத்தின் மே தின நிகழ்வு நுவரெலியா நகரில் கட்சியின் தலைவர் பாராளுமன்ற உறுப்பினர் பி. திகாம்பரத்தின் தலைமையில் நடைபெறவுள்ளது. நுவரெலியா சினிசிட்டா மைதானத்திலிருந்து ஊர்வலம் ஆரம்பமாவதுடன் தொழிலாளர் கெளரவிப்பு, இன்னிசைக் கச்சேரிகளும் ஒழுங்கு செய்யப்பட்டுள்ளன. இதேவேளை, ஐக்கிய தேசிய தொழிலாளர் சங்கம் விவசாய தோட்டத் தொழிலாளர் காங்கிரஸ் ஆகியவற்றின் மே தின நிகழ்வுகள் பதுளையில் தனித்தனியே நடைபெறுவதுடன் இலங்கை தேசிய தோட்டத் தொழிலாளர் சங்கம் எதிர்க் கட்சியின் யாழ். மே தின நிகழ்வோடு இணைந்து கொள்ளவுள்ளது. அத்துடன் சப்ரகமுவ தோட்டத் தொழிலாளர் காங்கிரஸ், அதன் தலைவர் ரூபன் பெருமாள் தலைமையில் இரத்தினபுரியில் கொண்டாடவுள்ளது.

வடமாகாண நிகழ்ச்சித் திட்டத்தின் ஆய்வு

வடமாகாண அமுலாக்கல் நிகழ்ச்சித் திட்டத்தில் 2011ம் ஆண்டுக்கான அடைவுகளும், 2012ம் ஆண்டுக்கான திட்டங்களும் தொடர்பான ஆராய்வுக் கூட்டம் இன்றைய தினம் (28) கிளிநொச்சியில் நடைபெற்றுள்ளது. 

கிளிநொச்சி பலநோக்குக் கூட்டுறவுச்சபை மண்டபத்தில் மாகாண இணைத் தலைவர்களான பாரம்பரிய கைத்தொழில்கள் மற்றும் சிறுதொழில் முயற்சி அபிவிருத்தி அமைச்சர் டக்ளஸ் தேவானந்தா கைத்தொழில் வணிகத்துறை அமைச்சர் றிசாட் பதியுதீன் வட மாகாண ஆளுநர் மேஜர் ஜெனரல் ஜீ.ஏ சந்திரசிறி ஆகியோரின் இணைத்தலைமையில் நடைபெற்றன.

(28.0ந,இஅஙஜஙங

இதன்போது வடமாகாண அமைச்சின் கீழ் செயற்படும் பல்வேறு திணைக்களங்களும் 2011ம் ஆண்டினது அடைவுகள் தொடர்பாகவும் 2012ம் ஆண்டில் முன்னெடுக்கப்பட்டு வரும் செயற்றிட்டங்கள் தொடர்பாகவும் விரிவாக எடுத்து விளக்கினர்.

இதில் மாகாணத்தின் விவசாய அமைச்சின் கீழுள்ள திணைக்களங்களினது செயற்திட்டங்கள் தொடர்பிலும் கல்வியமைச்சினது செயற்திட்டங்கள் தொடர்பிலும் தத்தமது கருத்துக்களை மக்கள் தரப்பு பிரதிநிதிகள் பிரஸ்தாபித்தனர்.

இதில் ஈ.பி.டி.பி. பாராளுமன்ற உறுப்பினர்களான முருகேசு சந்திரகுமார் சில்வேஸ்த்திரி அலன்ரின் (உதயன்) பாராளுமன்ற உறுப்பினர் உனேஷ் பாரூக் மாவட்டங்களின் அரச அதிபர்கள் பிரதேச செயலாளர்கள் உள்ளிட்ட துறைசார்ந்த பலரும் கலந்து கொண்டனர்.

நியாய அடிப்படையில் தீர்வுகள் காணப்பட வேண்டும்! அமைச்சர்

மக்களின் தேவைகளையும் கோரிக்கைகளையும் இனம் காண்பது மட்டுமன்றி அவற்றுக்கு முன்னுரிமை அடிப்படையில் தீர்வு காண்பதிலும் அரச அதிகாரிகள் ஒன்றிணைந்து உழைக்க வேண்டும் என பாரம்பரிய கைத்தொழில்கள் மற்றும் சிறுதொழில் முயற்சி அபிவிருத்தி அமைச்சர் டக்ளஸ் தேவானந்தா அவர்கள் தெரிவித்தார். 

கிளிநொச்சியில் மாவட்டக் கூட்டுறவுச் சபை மண்டபத்தில் இன்றைய தினம் இடம்பெற்ற வடமாகாண சபையினது 2011ம் ஆண்டுக்கான அடைவுகள் மற்றும் நடப்பாண்டில் முன்னெடுக்கப்பட்டு வருவதும் எதிர்காலத்தில் முன்னெடுக்கப்படவுள்ளதுமான செயற்றிட்டங்கள் தொடர்பான அபிவிருத்தி கூட்டத்தில் கலந்து கொண்டு உரையாற்றும் போதே அவர் இவ்வாறு தெரிவித்துள்ளார். 

வடமாகாணத்தில் 2011ம் ஆண்டில் நிரல்படுத்தப்பட்ட நிகழ்ச்சித் திட்டங்களில் நடைமுறைப்படுத்தப்பட்ட அபிவிருத்தி திட்டங்களில் நிறைவு செய்யப்பட்ட மற்றும் அமுல்படுத்தப்பட்டுவரும், அமுல்படுத்தப்படவுள்ள செயற்திட்டங்கள் தொடர்பிலான கலந்துரையாடலாகக் இக்கூட்டம் அமையப்பெறவுள்ளது. 

இன் பிரகாரம் மக்களின் தேவைகளைப் பூர்த்தி செய்யும் முகமாக அவர்களால் முன்வைக்கப்படுகின்ற கோரிக்ககைகளை இனங்காண்பது மட்டுமன்றி அவற்றில் முன்னுரிமை மற்றும் நியாயத்தின் அடிப்படையில் தீர்வு காண்பதற்கும் அரச அதிகாரிகள் அனைவரும் ஒன்றிணைந்து உழைக்க வேண்டும் எனவும் கடந்த காலங்களில் அபிவிருத்தி திட்டங்களில் தவறுகள் இருந்திருக்குமானால் எதிர்காலங்களில் இவ்வாறான தவறுகள் ஏற்படாமல் பாதுகாக்க வேண்டிய பொறுப்பும் அவர்களுக்கே உரியது என்றும் இதன்போது சுட்டிக் காட்டினார். 

நிகழ்வில் கைத்தெழில் மற்றும் வணிகத்துறை அமைச்சர் ரிசாட் பதியுதீன் உரையாற்றும் போது வடமாகாணத்தின் அபிவிருத்தி செயற்றிட்டங்களில் பெரும்பாலானவை அந்தந்தப் பகுதிகளுக்கான அமைச்சர்களுக்கோ ஆளும் அரச சார்ந்த பாராளுமன்ற உறுப்பினர்களுக்கோ தெரியாமலே திட்டங்கள் ஆரம்பிக்கப்பட்டு முடிக்கப்படுகின்றன. எதிர்காலங்களில் மக்களின் நலன்களைக் கருத்தில் கொண்டதான அபிவிருத்தி திட்டங்களில் மக்களது கருத்துக்களைப் பெற்றுக் கொண்டு அதனை நிறைவேற்றுவதிலேயே அதிகாரிகள் கவனமாக இருக்க வேண்டுமெனவும் மக்களுக்கான பணி தொடர்பில அரச திணைக்களங்களைச் சார்ந்தோர் கவனமாகவும் மகிந்த சிந்தனைக்கமைவாகவும் அபிவிருத்தி திட்டங்களை முன்னெடுக்க வேண்டுமெனவும் கேட்டுக் கொண்டார். 

(epdp news whape )

இதனிடையே இவ்வாறான அபிவிருத்தி திட்டங்களைக் குழப்புவதற்கும் ஒரு கூட்டம் இருக்குமாக இருந்தால் அவ்விடத்திலும் அரச அதிபர்கள் ஒருபோதும் பங்காளிகளாக இருக்கக் கூடாது என்றும் யுத்தத்தால் அதிக பாதிப்புக்குள்ளான கிளிநொச்சி முல்லைத்தீவு போன்ற மாவட்டத்தின் பல்வேறு அபிவிருத்தியில் அதிக கவனம் செலுத்த வேண்டுமெனவும் தெரிவித்தார்.

48 இலட்சம் ரூபா செலவில் வவுனியா தமிழ் மத்திய மகா வித்தியாலயத்தின் ஆரம்பப்பிரிவு புதுப்பிப்பு

நேற்று (27) வவுனியா தமிழ் மத்திய மகா வித்தியாலயத்தின் ஆரம்ப பிரிவு பாடசாலை கட்டிட புனரமைப்புக்கு பொருளாதார அபிவிருத்தி அமைச்சின் என்ரிப் திட்டத்தின் கீழ் 48 இலட்சம் ரூபாவினை ஓதுக்கீடு செய்து அதனை புனரமைத்து திறந்து வைக்கும் நிகழ்வில்

இந்திய மாநிலங்களவையில் சச்சின்:பலருக்கு அதிர்ச்சியாம்

இந்திய மாநிலங்களவையின் நியமன உறுப்பினர் பதவியை சச்சின் டெண்டுல்கர் ஏற்றுக் கொண்டுள்ளது அதிர்ச்சி அளிக்கிறது என முன்னாள் கிரிக்கட் வீரர் சஞ்சய் மஞ்ச்ரேக்கர் தெரிவித்துள்ளார்.

சச்சினுக்கு நாடாளுமன்ற உறுப்பினர் பதவி அளிக்கப்பட்டுள்ளது குறித்து அவரிடம் கேட்டபோது, சச்சினுக்கு பதவி கொடுக்கப்படுவதை வரவேற்கிறேன்.

எவ்வித முன்னறிவிப்பும் இன்றி திடீரென சச்சினின் பெயர் பரிந்துரைக்கப்பட்டது அதிர்ச்சியளிப்பதாக உள்ளது. அதற்கு சச்சின் ஒப்புதல் தெரிவித்திருப்பது அதைவிட அதிர்ச்சியாக உள்ளது.

ஓய்வுக்குப் பிறகு அவர் பயிற்சியாளராகவோ, தொழிலதிபராகவோ, சமூக சேவைகளிலோ ஈடுபடுவார் என்று நினைத்துக் கொண்டிருந்தேன் என்றார்.

மந்திரவாதி என கூறி இளம்பெண்ணை கர்ப்பிணியாக்கிய பேய் ஓட்டுபவர்

பேய் ஓட்டுவதாக கூறி மனநலம் பாதித்த பெண்ணை தொடர்ச்சியாக பலமுறை பலாத்காரம் செய்து கர்ப்பமாக்கிய மந்திரவாதியை போலீசார் கைது செய்தனர்.

ராஜஸ்தான் மாநிலம் ரெயின்வால் கிராமத்தை சேர்ந்தவர் ரிஷா (20). இவருக்கு திடீரென மனநலம் பாதித்தது. அவருக்கு பேய் பிடித்திருப்பதாக பெற்றோர் கருதினர். மகேஷ் ஜோஷி என்ற மந்திரவாதி பற்றி சிலர் கூற, ரிஷாவை அவரிடம் அழைத்து சென்றனர். தானே வீட்டுக்கு வந்து பேய் ஓட்டுவதாக மகேஷ் கூறியுள்ளார்.

இதையடுத்து, அடிக்கடி ரிஷாவின் வீட்டுக்குசென்றர் மகேஷ். ரிஷாவை வைத்து தனியாக பூஜை நடத்த வேண்டும் என்று கூறி பெற்றோரை வெளியே அனுப்பி விட்டு அவரை பலாத்காரம் செய்துள்ளார். இதுபோல் பலமுறை ரிஷாவை அவர் சீரழித்துள்ளார்.

மாதக்கணக்கில் ஆகியும் ரிஷாவுக்கு உடல்நிலை குணமாகாததால் பெற்றோருக்கு சந்தேகம் ஏற்பட்டது. இந்நிலையில், கடந்த சில தினங்களுக்கு முன்பு ரிஷா திடீரென மயங்கி விழுந்தார்.

மருத்துவமனையில் பரிசோதித்தில் ரிஷா கர்ப்பமாக இருப்பது தெரிய வந்தது. இதனால் அவரது பெற்றோர் அதிர்ச்சி அடைந்தனர்.

மகேஷ் மீது போலீசில் புகார் கொடுத்தனர். போலீஸ் விசாரணையில், மயக்க மருந்து கொடுத்து ரிஷாவை மகேஷ் பலாத்காரம் செய்தது தெரியவந்தது. இதையடுத்து அவரை போலீசார் கைது செய்தனர்.

உலகின் அழகான முதல் பத்து பெண்கள்

சர்வதேச மக்கள் சஞ்சிகையின் வாக்கெடுப்பின் அடிப்படையில், உலகின் முதல் பத்து அழகான பெண்கள் பட்டியல் வெளியிடப்பட்டுள்ளது.

தரவரிசையில் முதலாவது இடத்தை 16 தடவை தேசிய விருது வென்ற நடிகை ஃபியோன்ஸ் நோலெஸ் தட்டிச்சென்றார்.

இதில் பிருத்தானிய இளவரசி கேட் மில்ட்டொன் 10 வது இடத்தில் இருப்பது குறிப்பிடத்தக்கது.

சிறையில் இருந்து வந்த 16 நிமிடத்தில் கொள்ளையடித்த அசகாய சூரன்!

சிறைச்சாலை கைதிகளை நல்வழிப்படுத்துகிறதா என்ற சந்தேகத்தை வலுப்படுத்தியுள்ளது அமெரிக்காவின் புளோரிடா மாகாணத்தில் நடைபெற்ற சம்பவம் ஒன்று.

Marcus Hunt என்ற 22 வயது இளைஞன், களவெடுத்த குற்றச்சாட்டில் சிறையில் அடைக்கப்பட்டிருந்தார்.

சிறைக்காலம் முடிவடைந்த வெளியே வந்து 16 நிமிடங்களில் இன்னுமோர் கொள்ளை சம்பவத்தில் ஈடுபட்டு கைதுசெய்யப்பட்டுள்ளார்.

தெருவில் சென்றுகொண்டிருந்த சைக்கிளோட்டியிடம் இருந்து 190 அமெரிக்க டொலர்கள் பெறுமதியான சைக்கிளை கொள்ளையடிக்க முயன்றபோதே இவ்வாறு கைது செய்யப்பட்டுள்ளார்.

பொலீசாரினால் கைதுசெய்யப்பட்டு நீதிமன்றத்தில் ஒப்படைக்கப்பட்ட இவர், விசாரணைகளின் பின்னர் சிறையில் அடைக்கப்பட்டுள்ளார்

செக்கட்ரிக்கு முத்தமிட்ட பாடசாலை அதிபர்!

பாடசாலை அதிபர் ஒருவர், தனது செயளாளருக்கு முத்தமிட்ட காட்சி இணையத்தில் பரவி அமெரிக்காவில் பரபரப்பை ஏற்படுத்தியுள்ளது.

அமெரிக்காவின் அரிசோனா பிராந்தியத்தில், குவார்ட்ஷய்ட் பகுதியில் உள்ள கல்லூரி ஒன்றில் அதிபராக பணியாற்றிவரும், திருமணமான நபர், கல்லூரியில் அவருக்கு செயளாலராக பணியாற்றிவரும் பெண் ஒருவருடன் முத்தத்தை பரிமாறிக்கொண்ட காட்சி, அப் பாடசாலை மாணவர் ஒருவரால் படம்பிடிக்கப்பட்டு யூரியூபில் பதிவேற்றப்பட்டது.

இவ் வீடியோ அக் கல்லூரியில் கல்வி பயிலும் 16 வயதான மைரன்டா என்பவரால் எடுக்கப்பட்டுள்ளது.

இது தொடர்பாக பாடசாலையில் கல்வி பயிலும் மாணவர்களின் பெற்றோர்கள் கடும் விசனம் தெரிவித்துள்ளனர்.

வடபகுதியில் 704 மில்லியன் ரூபா செலவில் 682 பாடசாலைக் கட்டடங்கள் புனரமைப்பு!

வட மாகாணத்தில் 682 பாடசாலைக் கட்டடங்கள் 704 மில்லியன் ரூபா செலவில் புனரமைக்கப்பட்டுள்ளதாக வடமாகாண சபையின் அறிக்கையில் குறிப்பிடப்பட்டுள்ளது. 

அத்துடன் 158 மூடப்பட்டிருந்த பாடசாலைகள் மீண்டும் இயங்க ஆரம்பித்துள்ளன. 2010 ஆம் ஆண்டு வடமாகாணத்தில் 752 பாடசாலைகள் இயங்கு நிலையில் காணப்பட்டன. 259 பாடசாலைகள் மூடப்பட்டிருந்தன. 

தற்போது 937 பாடசாலைகள் இயங்குவதுடன் 101 பாடசாலைகள் மூடப்பட்ட நிலையில் காணப்படுகின்றன. பாடசாலை மாணவர்கள் மற்றும் ஆசிரியர்களுக்கு 3 ஆயிரத்து 800 சைக்கிள்கள் மற்றும் 18 மோட்டார் சைக்கிள்கள் என்பன வழங்கப்பட்டுள்ளன. 

இது மாத்திரமின்றி 86 ஆயிரத்து 202 பாடசாலை மாணவர்களுக்குரிய தளபாடங்களும், 2 ஆயிரத்து 200 ஆசிரியர்களுக்குரிய தளபாடங்களும் 12 ஆய்வு கூடங்களுக்கான உபகரணங்களும் 362 கணணிகளும் வழங்கப்பட்டுள்ளாக அவ்வறிக்கையில் மேலும் குறிப்பிடப்பட்டுள்ளது 

மூன்று அழகிகள் சிதறி ஓடுகிறார்கள்… ஏன்?

ஷாப்பிங் முடித்து வீடு திரும்பும் மூன்று அழகிகள், அதிர்ச்சியடைந்து சிதறி ஓடுகிறார்கள்… ஏன்?

வீடியோவில் நீங்களே பாருங்க…!

யாழில் இளம்பெண்ணை அச்சுறுத்திய நபருக்கு கடூழிய சிறைத்தண்டனை

யாழ்ப்பாண வீதியில் சென்ற இளம்பெண்ணை அச்சுறுத்தி அவரின் கழுத்தில் தொங்கிய தங்கச் சங்கிலியை அபகரித்த குற்றத்திற்காக “கச்சான் ரவி” என்பவருக்கு ஒரு வருட கடூழிய சிறைத்தண்டனையை யாழ்.நீதிமன்ற நீதிவான் மா.கணேசராச விதித்து தீர்பளித்துள்ளார்

கடந்த 2009.11.14 ஆம் திகதி வல்வெட்டித்துறையில் வைத்து வீதியில் சென்ற இளம் பெண் ஒருவரை அச்சுறுத்தி அவரிடமிருந்த 55,000 ரூபா பெறுமதியான தங்கச்சங்கிலியை அபகரித்துள்ளார்

இவர் பல குற்றச் செயல்கள் தொடர்பாக யாழ்.சிறையில் சிறைத்தண்டனை அனுபவித்து வந்த நிலையில் சிறையிலிருந்து விடுதலையான கையோடு பெண்ணை அச்சுறுத்தி தங்கச் தங்கிலியை அபகரித்துள்ளதாக யாழ்.பொலிஸார் குறிப்பிட்டுள்ளனர்

யாழ்.பொலிஸாரினால் குறித்த நபர் கைது செய்யப்பட்டு விளக்கமறியலில் வைக்கப்பட்டு இருந்தார்.

பின்னதாக இவர் குற்றவாளி என இனம் காணப்பட்டதை இடுத்து இவருக்கு ஒரு வருட கடூழிய சிறைத்தண்டனை வழங்கித் தீர்பளித்துள்ளார்.

ஆசிரியர்களுக்கும் விடுமுறை

வெசாக் தினத்தை முன்னிட்டு மே மாதம் 7ஆம் திகதி அரசினால் வழங்கப்பட்டிருக்கும் விடுமுறையை ஆசிரியர்களுக்கும் பெற்றுத் தருவதற்கு நடவடிக்கை எடுத்துள்ளதாக அகில இலங்கை ஆசிரியர் சங்கம் தெரிவித்துள்ளது.

அரசினால் அறிவிக்கப்பட்ட விசேட விடுமுறை தினம் ஆசிரியர்களுக்கும் உரியதாகும் என கல்வி அமைச்சின் செயலாளர் அறிவித்துள்ளார்.

இது தொடர்பில் பாடசாலை அதிபர்கள், ஆசிரியர்கள் மற்றும் மாணவர்களுக்கான அறிவுறுத்தல்கள் அகில இலங்கை ஆசிரியர் சங்கத்தினால் வழங்கப்படும் எனவும் தெரிவிக்கப்பட்டுள்ளது.