யாழில் விடுதி உரிமையாளருக்கு நீதிமன்றம் பிடியாணை!

யாழ் மாநகர சபையிலுள்ள விடுதி உரிமையாளர் ஒருவரைக் கைதுசெய்யுமாறு யாழ். நீதிவான் நீதிமன்றம் நேற்று (28) உத்தரவிட்டுள்ளது.

யாழ் நகரில் விருந்தினர் விடுதி என்ற பேரில் காதல் ஜோடிகளை தங்கவைத்து கலாச்சார சீரழிவுக்கு விடுதியை கொடுத்து விபச்சாரத்திற்கு உதவியதாக இந்த விடுதி உரிமையாளர் மீது குற்றஞ்சுமத்தப்பட்டுள்ளது. யாழ். மாநகர சபை பொதுச் சுகாதார பரிசோதகரினால் இந்தக் குற்றச்சாட்டுக்கள் சுமத்தப்பட்டுள்ளன.

இந்த விடுதி இயங்குவதை தடை செய்யுமாறு கோரி யாழ். நீதிவான் நீதிமன்றில் மனு தாக்கல் செய்யப்பட்டுள்ளது.

குறித்த விடுதியில் கலாச்சர சீரழிவு நடைபெறுகிறது. திருமணமாகாத பெண்கள், ஆண்கள் ஜோடியாக தங்குகின்றனர். அத்துடன் விடுதியில் தங்குபவர்களின் அடையாள பதிவினை மேற்கொள்வதில்லை. மது விற்பனை, புகைத்தல் என்பன நடைபெறுகிறது என இந்த வழக்கின் குற்றப் பத்திரத்தில் தெரிவிக்கப்பட்டுள்ளது.

இந்த வழக்கை விசாரணைக்கு எடுத்துக் கொண்ட யாழ்.நீதிமன்ற நீதிவான் மா.கணேசராசா எதிர்வரும் ஜுன் 16ம் திகதிக்கு முன்பாக இந்த விடுதியின் உரிமையாளரைக் கைது செய்து நீதிமன்றில் ஆஜர்ப்படுத்துமாறு பொலிஸாரிடம் உத்தரவிட்டுள்ளார்.

ஐ.பி.எல்.வெற்றி…பிறந்த மேனியை காட்டிய பிரபல நடிகை

ஐ.பி.எல். கிரிக்கெட் போட்டியில் கொல்கத்தா அணி வெற்றி பெற்றதால், நடிகை பூனம் பாண்டே இணைய தளத்தில் நிர்வாணமாக போஸ் கொடுத்தார்.

21 வயது பூனம் பாண்டே

21 வயதான நடிகையும், பிரபல மாடல் அழகியுமான பூனம் பாண்டே கடந்த ஆண்டு நடைபெற்ற உலக கோப்பை கிரிக்கெட் போட்டியில் இந்தியா வெற்றி பெற்றால் மைதானத்தில் நிர்வாணமாக போஸ் கொடுப்பேன் என்ற பரபரப்பான அறிவிப்பை வெளியிட்டு இருந்தார்.

ஆனால், இந்திய அணி அந்த போட்டியில் வெற்றி பெற்றும், பூனம் நிர்வாணமாக தோன்றி தனது வாக்குறுதியை நிறைவேற்றவில்லை.

மீண்டும் அறிவிப்பு

இந்த நிலையில் தற்போது நடைபெற்று முடிந்துள்ள ஐ.பி.எல். கிரிக்கெட் போட்டியில் நடிகர் ஷாருக்கானின் `கொல்கத்தா நைட் ரைடர்ஸ்’ அணி வெற்றி பெற்றால் `நிர்வாண போஸ்’ கொடுப்பதாக மீண்டும் அறிவித்து இருந்தார்.

இதற்கிடையில் நேற்று முன்தினம் இரவில் சென்னையில் நடைபெற்ற ஐ.பி.எல். இறுதிப்போட்டியில், சென்னை சூப்பர்கிங்ஸ் அணியை தோற்கடித்த `கொல்கத்தா நைட் ரைடர்ஸ்’ அணி `சாம்பியன்’ பட்டம் வென்றது.

நிர்வாண போஸ்

அதைத்தொடர்ந்து, இந்த முறை தனது வாக்குறுதியை காப்பாற்றியுள்ளார் 

பாலியல் சேட்டை 61 வயதுப்பிக்கு கைது

10 வயது சிறுமியை சிறுமியை பாலியல் இச்சைக்கு உட்படுத்திய காவி போர்த்திய பிக்கு ஒருவரை பொலிஸார் கைதுசெய்துள்ளனர்.மஹியங்கனை, 51ஆம் கட்டை பிரதேசத்தில் இந்தச் சம்பவம் பதிவாகியுள்ளது.

சிறுமியை பாலியல் இச்சைக்கு உட்படுத்திய 61 வயதான காவி போர்த்திய பிக்கு இன்று (29) நீதிமன்றில் முன்னிலைப்படுத்தப்படுவதாக பொலிஸ் பேச்சாளர் தெரிவித்தார்.

TNA முன்நாள் MP யயிலில்

கடந்த வருடம் திருக்கோயில் நடந்த கலவரம் தொடர்பாக பொத்துவில் நீதிமன்றில் தாக்கல் செய்யப்பட்டிருந்த வழக்கு நேற்றைய தினம்மீண்டும் விசாரணைக்கு எடுத்துக் கொள்ளப்பட்டது.

பிடியாணை பிறப்பிக்கப்பட்ட நிலையில் நேற்றைய தினம் நீதிமன்றுக்கு வந்திருந்த தமிழ்த் தேசியக் கூட்டமைப்பின் முன்னாள் பாராளுமன்ற உறுப்பினர் சந்திரநேரு சந்திரகாந்தன் நீதிமன்ற உத்தரவின்பேரில் மூன்று மணித்தியாலங்கள் விளக்கமறியலில் வைக்கப்பட்டு விடுவிக்கப்பட்டுள்ளார்.

கடந்த வருடம் திருக்கோவில் பகுதியில் (12.8.2011) மூன்று மர்ம மனிதர்களை பொதுமக்கள் பிடித்து பின்னர் பொலிஸாரிடம் ஒப்படைத்தனர்.

ஆனால் பொலிஸார் இவ் மர்ம மனிதர்களை (கிறீஸ் மனிதன்) விடுவிக்க முயற்சியெடுப்பதாக அறிந்த பொதுமக்கள் மிகவும் கோபமுற்று பொலிஸ் நிலையத்தை முற்றுகையிட்டனர்.

அதைத் தொடர்ந்து பொலிஸ் நிலையங்களைச் சுற்றி பொல்லுகள், தடிகள் சகிதம் திரண்ட பொது மக்கள் மர்ம மனிதர்களை தங்களிடம் ஒப்படைக்குமாறு கோரி கோசங்களை எழுப்பினர்.

பின்னர் பொதுமக்களை கலைப்பதற்கு பொலிஸார் கண்ணீர்ப் புகைப் பிரயோகத்தையும் மேற்கொண்டதுடன் ஆகாயத்தை நோக்கி துப்பாக்கிப் பிரயோகமும் மேற்கொண்டனர்.

இவ் வேளையில் அங்கு சென்ற முன்னாள் பாராளுமன்ற உறுப்பினர் சந்திரகாந்தன் சந்திரநேரு இப்பிரச்சினையை ஓரளவு கட்டுப்பாட்டுக்குள் கொண்டு வரும் பொருட்டு பொதுமக்கள் சார்பில் பொலிஸாருடன் பேசினார்.

மக்களின் எதிர்ப்பு அதிகமானதால் படையினர் ஸ்தலத்துக்கு வந்து துப்பாக்கி பிரயோகம் செய்தனர். பொது மக்கள் படையினரை கற்களால் திருப்பி தாக்கினர். பின்னர் மீண்டும் மீண்டும் துப்பாக்கி பிரயோகம் செய்தே மக்களை விரட்டியடித்தனர் படையினர்.

இச்சம்பவத்தில் மக்களைத்திரட்டி கலகத்தில் ஈடுபட்டதாக திருக்கோயில் பொலிஸார் வழக்குத் தாக்கல் செய்திருந்தனர். இந்த வழக்கில் நீதிமன்றில் ஆஜராகுமாறு சந்திரநேருவை அழைத்திருந்தும் கூட அவர் லண்டன் சென்றிருந்ததால் அவரால் சமூகமளிக்க முடியவில்லை. இதனால் இவர் மீது பிடியாணை பிறப்பிக்கப்பட்டது.

இந்நிலையில் நேற்றையதினம் நீதிமன்றிற்கு ஆஜராகியிருந்தார். இதன்போது வழக்கை விசாரித்த நீதிபதி மூன்று மணித்தியாலங்கள் அவரை விளக்கமறியலில் வைக்க உத்தரவிட்டார்.

பின்னர் சாட்சிகள் வரவழைக்கப்பட்டு சந்திரகாந்தனை பிணையில் செல்ல அனுமதியளித்தார். மீண்டும் அடுத்த மாதம் 30அம் திகதி நீதிமன்றில் ஆஜராகுமாறு உத்தரவிடப்பட்டுள்ளது.

4 பேர் கோப்பாயில் கைது

யாழ். கோப்பாய் பொலிஸ் பிரிவுக்குட்பட்ட பகுதியில் தங்களின் ஆள் அடையாளத்தை உறுதிப்படுத்தக் கூடிய விதத்தில் எந்த ஆவணங்களையும்வைத்திருக்காமையினாலும் இரவு வேளையில் சந்தேகத்திற்கு இடமான முறையில் நடமாடிய நான்கு பேர் நேற்று திங்கட்கிழமை கைது செய்யப்பட்டுள்ளனர்.

இவ்வாறு கைது செய்யப்பட்டவர்கள் இன்றைய தினம் யாழ். நீதிமன்ற நீதிவான் முன்னிலையில் ஆஜர்படுத்தப்பட்ட வேளை இவர்கள் யாழில் நடைபெறும் கொள்ளைச் சந்தேக நபர்களாக இருக்கலாம் என தாம் சந்தேகிப்பதாக கோப்பாய் பொலிஸார் மன்றில் தெரிவித்தனர்.

இதனை அடுத்து சந்தேகத்திற்கிடாக முறையில் நடமாடிய நான்கு பேரையும் எதிர்வரும் ஜூன் மாதம் 8ஆம் திகதி வரை விளக்கமறியலில் வைத்து விசாரணையை மேற்கொள்ளுமாறு யாழ்.நீதிமன்ற நீதிவான் மா.கணேசராசா உத்தரவிட்டுள்ளார்.

விடுதலைப் புலிகளே தமிழர்களின் பாதுகாவலர் ஏற்றுக் கொள்ளும் புத்த பிக்கு

தமிழர்களின் பிரச்சினையை தீர்த்து வைப்பதில் மஹிந்த அரசாங்கம் தோல்வி கண்டுள்ளதாக தேசிய பிக்கு முன்னணியின் தலைவர் தம்பர அமிலதேரர் குற்றஞ்சாட்டியுள்ளார்.

இதன் காரணமாக அந்நிய நாடுகளின் தலையீடுகளுக்கு சந்தர்ப்பத்தை ஏற்படுத்திக் கொடுத்து மஹிந்தவின் ஆட்சி நாட்டிற்கு பெரும் சாபத்தையே பெற்றுக் கொடுத்துள்ளதாக அவர் சுட்டிக் காட்டியுள்ளார்.

விடுதலைப் புலிகள் இருந்த காலகட்டத்தை விட தமிழ் மக்கள் மீதான உரிமை மீறல்கள் தற்போது பன்மடங்கில் அதிகரித்துள்ளன. சர்வதேச தலையீடுகள் மேலோங்க அரசின் பொறுப்பற்ற தன்மையே காரணம் எனவும் அவர் கூறியுள்ளார்.

ஐ.நா.வையும் அமெரிக்காவையும் குறை கூறுவதை விடுத்து மனித உரிமைகள் தொடர்பில் பொறுப்புடைமையை அரசு பாதுகாக்க வேண்டும் எனவும் அவர் தெரிவித்துள்ளார்.

இது தொடர்பில் அமில தேரர் மேலும் தெரிவித்திருப்பதாவது:

போரின் பின்னரும் வடக்கு கிழக்கில் தமிழர்களினதோ தெற்கில் சிங்களவர்களினதோ பிரச்சினைகளுக்கு தீர்வு காண்பதில் அரசு தோல்வி கண்டுள்ளது. இதனால் நாட்டில் பல்வேறு பிரச்சினைகள் மேலோங்கி வருவதுடன் சர்வதேச ரீதியிலும் பாரிய சிக்கல்கள் காணப்படுகின்றது.

மனித உரிமை பிரச்சினைகள் நாட்டில் தற்போது வெளிப்படையாகவே இடம் பெறுகின்றன. குறிப்பாக நாட்டில் யுத்தம் முடிவடைந்ததன் பின்னர் அனைவராலும் எதிர்பார்க்கப்பட்ட அமைதி சூழல் திரும்பவில்லை. மாறாக கடத்தல், காணாமல் போதல், தாக்கப்படுதல் என பல்வேறு மனித உரிமை மீறல்களே நாட்டில் இடம்பெற்றன.

இதனை காரணம் காட்டி ஐக்கிய நாடுகள் சபை மற்றும் அமெரிக்கா உட்பட சர்வதேச நாடுகள் இலங்கைக்கு எதிரான தீர்மானங்களை மேற்கொண்டு நடவடிக்கைகளை எடுக்கும் நிலைக்கு வந்துள்ளன.

முன்னர் தமிழீழ விடுதலைப்புலிகளின் காலத்தில் இக்குற்றச்செயல்கள் குறைவாகவே காணப்பட்டன. தற்போது அது பல மடங்காக அதிகரித்துள்ளது. அத்துடன், எந்தவொரு நாடுமே செய்யாத விடயமொன்றை வெளிவிவகார அமைச்சு செய்துள்ளது.

இலங்கைக்கு எதிரான குற்றச்சாட்டுக்கள் தொடர்பில் விளக்கமெழுதி, அதனை எவ்வாறு செயற்படுத்துவது என்பதை திட்ட வரைவு அமைத்து அமெரிக்காவிற்கு கொண்டுச் சென்று காண்பித்தது.

உள்நாட்டில் யாருக்குமே மேற்படி செயற்திட்ட வரைவு காண்பிக்கப்படவில்லை.

மாணவி துஸ்பிரயோகம் ஆசிரியர் கைது

மாணவ, மாணவியர் 16 பேரை பாலியல் துஷ்பிரயோகம் செய்த குற்றச்சாட்டில் ஆசிரியர் ஒருவர் கைதுசெய்யப்பட்டுள்ளார்.கைதுசெய்யப்பட்ட ஆசிரியர் மாவனெல்ல நீதிமன்றில் முன்னிலைப்படுத்தப்பட்டதை அடுத்து இவரை அடுத்த 06ஆம் திகதி வரை விளக்கமறியலில் வைக்குமாறு நீதவான் உத்தரவிட்டுள்ளார்.

ஆசிரியரின் நடத்தை குறித்த சிறுவர் பாதுகாப்பு அதிகார சபைக்கு பல முறைப்பாடுகள் செய்யப்பட்ட நிலையில், அதிகார சபையின் பொலிஸார் குறித்த ஆசிரியரைக் கைதுசெய்து நீதிமன்றில் முன்னிலைப்படுத்தியுள்ளனர்.

அவுஸ்ரேலியாவிறக செல்ல முற்பட்ட 113 கைது

சட்டவிரோதமான முறையில் அவுஸ்திரேலியா நோக்கிச் செல்ல முற்பட்ட 113 இலங்கையர்கள் கொழும்பு குற்ற விசாரணை பிரிவினரால் கைது செய்யப்பட்டுள்ளனர்.

இவர்களை அவுஸ்திரேலியா அல்லது வேறு நாட்டுக்கு அனுப்பி வைக்க முயற்சித்த ஆறு முகவர்களும் கைது செய்யப்பட்டதாக பொலிஸ் ஊடகப் பேச்சாளர் அஜித் ரோஹண குறிப்பிட்டார்.

நீர்கொழும்பு மற்றும் காலி முகத்திடல் ஆகிய பகுதிகயில் வைத்து இன்று (28) அதிகாலை இவர்கள் அனைவரும் கைது செய்யப்பட்டுள்ளனர்.

இவர்களை கடல் பகுதிக்கு ஏற்றிச் செல்ல பயன்படுத்தப்பட்ட லொறி மற்றும் டொல்பின் வர்க்க வான்கள் ஏழு என்பன குற்ற விசாரணை பிரிவினரால் கைப்பற்றப்பட்டுள்ளன.

அவுஸ்திரேலியா செல்லவென ஒரு நபரிடம் தலா இரண்டு லட்சம் ரூபா பணம் முகவர்களால் பெறப்பட்டுள்ளதாக பொலிஸ் ஊடகப் பேச்சாளர் தெரிவித்தார்.

சிலாபம், நீர்கொழும்பு ஆகிய பகுதிகளைச் சேர்ந்த இவர்களிடம் பிரதான முகவர் 316 லட்சம் ரூபா பெற்றுள்ளதாக அவர் குறிப்பிட்டார்.

கண் திருஷ்டிக்கு உன்ன வழி

கண் திருஷ்டி என்பது மனதில் பொறாமை கொண்டு பார்ப்பவர்களின் எதிமறை அலைகளின் விளைவு ஆகும். இதனால் காரிய தடை, சிக்கல்கள், துன்பங்கள் ஏற்படுமென நம்பப்படுகிறது.

கண் திருஷ்டிக்கு என்ன செய்யலாம்?

எதிர்மறையான பார்வைகளின் கவனத்தை கலைத்து அவர்களுடைய ஒட்டுமொத்த சிந்தனையும், பார்வையும் எதிலாவது படும்படி ஒரு பொருளை அங்கு வைக்க வேண்டும். இதுதான் முக்கியம்.

சிலரெல்லாம் வாசலில் பெரிய பாத்திரத்தில் நீர் விட்டு மலர்களையெல்லாம் தூவி வைப்பார்கள். பார்ப்பவர்களுக்கு அதிலேயே அவர்களுடைய சிந்தனை போய்விடும். அந்த வீட்டில் உள்ளவர்களைப் பற்றிய சிந்தனை வராமல் போய்விடும். இதுபோன்ற எளிமையான சில பரிகாரங்களை மேற்கொள்வது நல்லது.

இதில் குறிப்பாக தாவரங்களுக்கு கண் திருஷ்டியை எடுக்கக் கூடிய குணங்கள் நிறைய உண்டு. தொங்கும் தோட்டம் போன்றதெல்லாம் அமைக்கலாம். ரோஜா முட்கள் உள்ள செடி. அதுபோன்று முள் செடிகள் இருக்கும்படியும் வைக்கலாம். இந்த மாதிரி எளிய பரிகாரங்கள் நிறைய இருக்கிறது.

சிலரெல்லாம் பூசணிக்காயை கட்டித் தொங்க விடுவார்கள். சிலர், நாக்கு வெளியே தொங்கவிட்டுக் கொண்டிருக்கிற பொம்மையை வைத்திருப்பார்கள். சிலர் கண்திருஷ்டி பிள்ளையாரை வைத்திருப்பார்கள். இன்னும் சிலர் கற்றாழையைக் கட்டித் தொங்க விட்டிருப்பார்கள். இதுபோன்று சிலவற்றை செய்யலாம். இதெல்லாம் பயனுள்ளதாக இருக்கும்.

ஒட்டுமொத்த பார்வையையும், சிந்தனையையும் திசை திருப்புவதற்கு ஏதேனும் ஒரு பொருளை வாசலிலேயே தொங்கவிடுவது நல்லது. அது எதுவாக வேண்டுமானாலும் இருக்கலாம். குறிப்பாக இயற்கைத் தாவரங்கள், செடிகொடிகள் போன்றவற்றிற்கு ஆதிக்கம் அதிகமாக இருக்கும். வாழைக்கன்று நடும் அளவிற்கு இடமிருந்தால் அது மிக மிகச் சிறப்பாக இருக்கும். ஏனென்றால் வாழை ஒவ்வொரு விநாடியும் துளிர்த்துக் கொண்டே இருக்கும். எந்ததெந்த திருஷ்டி இருக்கிறதோ அதை அப்பப்பவே களைந்துவிடும். வாழைக்கு அந்த அருங்குணம் உண்டு. அதை வைத்தால் இன்னும் நல்லது.

வரப்போகிறது பேஸ் புக் ஸ்மார்ட் போன்

முன்னனி சமூக வலையமைப்பான பேஸ்புக்தனது வளர்ச்சியை இணையத்துடன் மாத்திரம் நிறுத்திவிடாது இலத்திரனியல் உற்பத்தியிலும் தடம்பதிக்க திட்டமிட்டுள்ளது.

இதன் முதற்கட்டமாக ஃபேஸ்புக் சொந்தமாக ஸ்மார்ட்போன் தயாரிக்க திட்டமிட்டுள்ளது.

ஃபேஸ்புக் புதிய ஸ்மார்ட்போனை உருவாக்க ஆப்பிள் நிறுவனத்தின் தொழில்நுட்ப நிபுணர்களை வளைத்துப் போட்டுள்ளது ஃபேஸ்புக்.

இதுவரை ஏனைய ஸ்மார்ட் போன்களில் வெறும் அப்ஸ் ஆக மாத்திரம் வலம் வந்த ஃபேஸ்புக், தற்போது ஸ்மார்ட் போனாக வடிவெடுக்கவுள்ளது.

சமூகவலைத்தளங்களில் ஏனைய சமூகதளங்களுக்கு பேஸ்புக் பாரிய தலையிடியாக உள்ள இந் நிலையில், இதன் ஸ்மார்ட் போன்கள் அப்பிள், சம்சுங் நிறுவனன்களுக்கு சவாலை ஏற்படுத்துமென எதிர்பர்க்கப்படுகிறது.

பெண்கள் கணவரிடம் மறைக்கவேண்டியது

காதல் திருமணமோ, நிச்சயிக்கப்பட்ட திருமணமோ எதுவாக இருந்தாலும் பெண்கள் தங்கள் கணவரிடம் சில விடயங்களை மறைக்கத்தான் வேண்டும் என்கின்றனர் குடும்ப நல நிபுணர்கள்.

அதில் முக்கியமாக பெண்கள் தமது பெண் தோழிகளின் மொபைல் இலக்கங்களை கணவரிடமோ, அல்லது கணவரின் மொபைல் இலக்கத்தை நண்பிகளிடமோ பகிர்ந்து கொள்ளவேண்டாம் என்று எச்சரிக்கிறார்கள்.

நீங்கள் உங்கள் வாழ்க்கைத் துணையை நம்பலாம், அதற்காக உங்கள் நண்பர்களின் மெபைல் நம்பர் தருவது சில சமயங்களில் ஆபத்தில் முடிந்துவிடும். ஏனென்றால் அவர்கள் விளையாட்டாக ஏதாவது பேச, சில சமயம் அது வினையாக மாறிவிடும். தவறான உறவுக்கும் வழிவகுத்துவிடும். நாம் எல்லாரையும் நம்பலாம், ஆனா கண்மூடித்தனமா நம்பக் கூடாது. இதில் ரொம்பவே கவனமா இருக்கணும்.

என்று கூறுகிறார்கள் குடும்ப நல நிபுணர்கள்.

எச்சரிக்கையா இருங்க தோழிகளே!

மரணச் சனி நடக்கும் போது மடடாயம் மரணம்

ஒவ்வொரு மனிதனுக்கு‌ம் மூன்று அல்லது நான்கு முறை ஏழரைச் சனி வரும்.

முதல் தடவையாக ஏழரைச் சனி வருவதை மங்கு சனி என்று சொல்வார்கள், இரண்டாவது முறையாக வருவதை பொங்கு சனி என்று சொல்வார்கள். அதற்கடுத்து 3வது முறையாக வருவதை மரணச் சனி என்று சொல்வார்கள்.

மரணச் சனி நடைபெறும் போது மரணம் ஏற்படுமென பொதுவாக நம்பப்படுகிறது. ஆனால், அது அப்படி கிடையாது. பிறக்கும் போது சனி பகவான் யோகாதிபதியாக இருந்தார் என்றால், 4வது சனியையும் கடந்தும் உயிர் வாழலாம்.

அதனால், 3வது சனியை மரணச் சனி என்று சொல்ல முடியாது. 3வது சனி சில இடையூறுகளைக் கொடுக்கும். சின்னச் சின்ன பொருள் இழப்புகள், சிறிய அளவில் மரண பயம் போன்றெல்லாம் இந்த போக்கு சனி கொடுக்கும்.

ஆணவத்தில் பறந்துக் கொண்டிருப்பவர்களை ஒரு தட்டு தட்டி அவர்களின் ஈகோவை குறைப்பதுதான் சனீஸ்வர பாகவானின் வேலை. இதுபோல சனி பகவான் மாறி மாறி தனது வேலையைச் செய்து கொண்டிருப்பார்.

8 வயது கல்லூரி மாணவி கற்பளிப்பு

தென்மராட்சி நாவற்குழியில் எட்டுவயதுப் பாலகி ஒருவரைப் பாலியல் துஷ்பிரயோகம் செய்தார் என்ற குற்றச்சாட்டில் சந்தேகநபர் ஒருவர் சாவகச்சேரிப் பொலிஸாரால் கைது செய்யப்பட்டார். இந்தச் சம்பவம் நேற்றுமுன் தினம் இடம்பெற்றது.

குறித்த சிறுமியின் உறவினர் எனத் தெரிவிக்கப்படும் 19 வயது இளைஞர் ஒருவர் சிறுமியை கடந்த 2 வருடகாலமாக பாலியல் துஷ்பிரயோகத்திற்கு உள்ளாக்கி வந்துள்ளார்.

எனினும் இந்த விடயம் எவருக்கும் தெரியாமலே இருந்தது. எனினும் நேற்றுமுன்தினம் சிறுமி பாடசாலையில் திடீரென மயக்கமடைந்து விழுந்தாள். இது தொடர்பாக ஆசிரியர்கள் சிறுமியிடம் விசாரித்த போதே குறித்த இளைஞரால் தான் பாலியல் தொந்தரவுக்கு ஆளாகி வரும் விடயத்தை சிறுமி போட்டுடைத்தாள். இது தொடர்பாக சாவகச்சேரிப் பொலிஸாருக்கு அறிவிக்கப்பட்டது.

இதன் பின்னர் துரித நடவடிக்கையில் இறங்கிய பொலிஸார் சந்தேகத்தின் பேரில் நாவற்குழியைச் சேர்ந்த சந்தேக நபரைக் கைது செய்தனர். இவர் நேற்றைய தினம் சாவகச்சேரி நீதிவான் நீதிமன்ற நீதிவானிடம் முன்னிலைப்படுத்தப்பட்டார். இவரை விசாரணைக்கு உட்படுத்திய நீதிவான் குறித்த சந்தேகநபரை 14 நாள்களுக்கு விளக்கமறியலில் வைக்குமாறு உத்தரவிட்டார்.

கண்ணைக்கட்டி மாணவி கற்பழிப்பு

மன்னார் மாவட்டம் முசலி பிரதேசச் செயலாளர் பிரிவுக்குற்பட்ட சிலாவத்துறைப் பகுதியில் பாலியல் வல்லுறவுக்கு உட்படுத்தப்பட்ட 14 வயது பாடசாலை மாணவி ஒருவர் யாழ். போதனா வைத்தியசாலையில் சட்டவைத்திய பரிசோதனைக்காக அனுப்பி வைக்கப்பட்டுள்ளதாக தெரிவிக்கப்பட்டுள்ளது.

சிலாவத்துறைப் பகுதியைச் சேர்ந்த இப்பாடசாலை மாணவியை அதேபகுதியினை சேர்ந்த மூன்று இளைஞர்கள் கண்களையும் கைகளையும் கட்டி மறைவான இடத்திற்குக் கொண்டு சென்று பாலியல் வல்லுறவிற்கு உட்படுத்தியுள்ளனர்.

இந்நிலையில் பாதிக்கப்பட்ட சிறுமியின் உறவினர்கள் சிலாவத்துறை காவல்துறையில் இது தொடர்பாக முறைப்பாடு செய்த நிலையில் சிறுமி மன்னார் பொது வைத்தியசாலையில் அனுமதிக்கப்பட்டு அங்கிருந்து யாழ்ப்பாணம் போதனா வைத்தியசாலை சட்டவைத்திய நிபுணரின் பரிசோதனைக்காக கடந்த வெள்ளிக்கிழமை மாலைகொண்டுசெல்லப்பட்டுள்ளார்

இதேவேளை இந்த மாணவியின் வாக்குமூலத்தின் அடிப்படையில் சிலாவத்துறைப் பகுதியைச் சேர்ந்த 3 இளைஞர்கள் காவல்துறயினரால் கைது செய்யப்பட்டுள்ளனர். இந்த 3 சந்தேக நபர்களும் கடந்த வெள்ளிக்கிழமை மன்னார் மாவட்ட நீதிவான் ஏ. யூட்சன் முன்னிலையில் முன்னிலைப்படுத்தப்பட்டுள்ளதுடன் எதிர்வரும் 14 நாட்கள் விளக்கமறியலில் வைக்குமாறு உத்தரவுபிறப்பிக்கப்பட்டுள்ளதாக தெரிவிக்கப்பட்டுள்ளது.

றிசாட்டுக்கு எதிராக மன்னாரில்ஆர்ப்பாட்டம்

மன்னார் மறைமாவட்ட ஆயர் இராயப்பு ஜோசேப்பு ஆண்டகைக்கு எதிராக அமைச்சர் றிஸாட் பதியுதீன் அண்மையில் நாடாளுமன்றத்தில் ஆற்றிய உரையைக் கண்டித்து மன்னார் புனித செபஸ்ரியார் பேராலய முன்றலில் கண்டன ஆர்ப்பாட்டமொன்று இடம்பெற்றது இடம்பெற்றுள்ளது.

அரசியல் கட்சிகளின் தலைவர்கள் நாடாளமன்ற உறுப்பினர்கள் மக்கள்உள்ளிட்ட பெருமளவானவர்கள் கலந்துகொண்டு தங்கள்உணர்வுகளை வெளிப்படுத்தியுள்ளார்கள் றிசாட்டின் கருத்திற்கு எதிரான பதாதைகளையும் கோசங்களையும் தாங்கியவாறு மக்கள் ஆர்ப்பாட்டத்தில்கலந்துகொண்டுள்ளார்கள்,

சர்வமத ஒற்றுமையினை சாகடிக்கநினைக்காதே,றிசாட்டே பேசகற்றுக்கொள், றிசாட்டே உனது அரசியல்அராயகம் ஒழிக்க எம்நிலங்களை அபகரிக்காதே,போன்ற பதாதைகள தாங்கியவாறு மக்கள் றிசாட்பதியூதீனிற்கு எதிராக ஆர்ப்பாட்டத்தில் ஈடுபட்டுள்ளார்கள்.

யாழ்ப்பாணத்தில் அருண்பாண்டியன்

தமிழகத்தில் தி.மு.க., அ.தி.மு.க. ஆகிய இரு கட்சிகளும் இலங்கை விவகாரத்தை வைத்து அரசியல் செய்து வரும் நிலையில், தேமுதிக தனது சட்டமன்ற உறுப்பினரும்,நடிகருமான அருண்பாண்டியனை இலங்கைக்கு சத்தம் போடாமல் அனுப்பி வைத்துள்ளதாக கூறப்படுகின்றது.

இலங்கைக்கு பயணம் செய்யும் தமிழக அரசியல் தலைவர்கள் மற்றும் இந்திய பாராளுமன்ற உறுப்பினர்கள், மத்திய அமைச்சர்கள் போன்றவர்கள், மத்திய அரசு அனுமதி பெற்று தூதுக்குழுக்களில் இணைந்து செல்வதையே வழக்கமாக கொண்டுள்ளனர்.

இந்த நிலையில், தேமுதிகவைச் சேர்ந்த பேராவூரணி சட்டமன்ற உறுப்பினரும், நடிகருமான அருண் பாண்டியன், கடந்த சில தினங்களுக்கு முன்பு மிக ரகசியமாக இலங்கை சென்று அங்கு யாழ்ப்பாணத்தில் தங்கியிருந்ததாக கூறப்படுகின்றது.

இது குறித்து கொழும்பில் உள்ள பத்திரிக்கையாளர்களிடம் பேசிய போது,

தேமுதிகவைச் சேர்ந்த பேராவூரணி சட்ட மன்ற உறுப்பினரும், நடிகருமான அருண் பாண்டியன், யாழ்ப்பாணம் வந்துள்ளது உண்மை.

ஆனால், அருண் பாண்டியன் தனிப்பட்ட முறையில் ஒரு மாத சுற்றுலா விசாவில், வந்துள்ளதாக தெரிய வருகிறது. குறிப்பாக, திரைப்படத் தயாரிப்பு நிறுவனம் ஐங்கரன் இன்டர்நேஷனல் தலைவர் கருணாமூர்த்தியுடன் யாழ்ப்பாணம் வந்துள்ளார். கருணாமூர்த்தி ஈழத் தமிழர் ஆவார் என்பது நினைவிருக்கலாம். பல சூப்பர் ஹிட் தமிழ்ப் படங்களைத் தயாரித்துள்ளவர் கருணாமூர்த்தி.

யாழ்ப்பாணம் வந்த, அருண் பாண்டியன், இணுவில் என்ற கிராமத்தில் தங்கியிருந்தார். அப்போது, பொது மக்கள் பலரையும் அவர் சந்தித்துப் பேசினார்.

யாழ்ப்பாணத்தின் பல பகுதிகளிலும் மிக முக்கியமான புகைப்படங்களை அவர் எடுத்துள்ளார். தமிழ் அரசியல் கட்சியின் பிரதிநிதிகள் இருவர், அவரைச் சந்தித்துப் பேசியதாகவும் கூறப்படுகின்றது என்கின்றனர்.

தேமுதிக தலைவர் விஜயகாந்த் இலங்கை விவகாரத்தில் மிக ஆர்வமாக உள்ளதாகவும், அதனால் தான் தனது நம்பிக்கைகுரிய நட்சத்திரம் அருண்பாண்டியன் மூலம் சில தகவல்களை பெற்று வர பணித்துள்ளதாகவும் கூறப்படுகின்றது.

அருண் பாண்டியன் தமிழகம் வந்த பின்பு, இலங்கையில் ஈழ தமிழர்களின் நிலையை புதுக்கோட்டை இடைத் தேர்தல் பிரச்சாரத்தில் புட்டுவைக்கப் போவதாகவும் ஒரு தகவல் உலா வருகின்றது.

இதை லேட்டாக மோப்பம் பிடித்த தமிழக உளவுத்துறை , கடும் அதிர்ச்சி அடைந்து அது குறித்த தகவல்களை விரைவாக சேகரித்து வருகின்றது.

திருநங்கை மிஸ் கனடா ஆகும் வாய்ப்பை இழந்தார்

மிஸ் கனடா அழகிப் போட்டியில் திருநாங்கையான Jenna Talackova பங்கேற்று சர்ச்சைக்கு உள்ளானார்.

திரு நங்கை என்ற காரணத்தால் குறித்த அழகிப்போட்டியில் இருந்து இடைநிறுத்தப்பட்ட Jenna Talackova , பின்னர் மீண்டும் போட்டிக்குள் உள்வாங்கப்பட்டார்.

தொடர்ந்து நடைபெற்ற போட்டியில், Jenna Talackova ஆல் பிரகாசிக்க முடியாமல் போன நிலையில், மிஸ் கனடா அழகி விருதை 26 வயதாகும் Biniaz தட்டி சென்றார்.

Biniaz, தனது வாழ்த்து செய்தியில், Jenna Talackova க்கு பாராட்டுக்களை தெரிவித்துக்கொண்டார்.

வெள்ளைக்காரனை அசர வைத்த இந்திய நாற்று

விஞ்ஞானி ஐசக் நியூட்டனால் போடப்பட்டு கடந்த 350 ஆண்டுகளுக்கும் மேலாக தீர்வு காணப்படாமல் இருந்து வந்த ஒரு கணிதப் புதிருக்கு விடை கண்டு வெள்ளைக்காரர்களை வியக்க வைத்துள்ளார் 16 வயதேயான இந்திய நாற்று.

கடந்த 350 ஆண்டுகளாக டைனமிக்ஸ் தியரியில் உலக கணிதவியலாளர்களை குழப்பி வந்த புதிராகும் இது. கணித மேதைகள் பலரும் கூடஇந்தப் புதிருக்கு விடை காண முடியாமல் திணறி வந்தனர். ஆனால் இதற்கு விடை கண்டுள்ளார் செளரியா ராய் என்ற இந்திய வம்சாவளி மாணவன்.

ஜெர்மனியின் டிரட்சென் பகுதியில் வசித்து வருகிறார் ராய். இவர் விடை கண்டுள்ள கணிதப் புதிர், டைனமிக்ஸ் தியரியில் வருகிறது. டிரட்சென் பல்கலைக்கழகத்திற்கு ராய் பள்ளிச் சுற்றுலாவாக சென்றபோதுதான் இந்தக் கணிதப் புதிர் குறித்து ராய்க்குத் தெரிய வந்தது. அப்போது அங்குள்ள பேராசிரியர்கள் இது குறித்து கூறியபோது, இதற்கு விடை காணவே முடியாது என்று கூறினார்கள்.

ஆனால் அதை சவாலாக எடுத்துக் கொண்டார் ராய். பின்னர் அதற்கு விடை காணும் முயற்சியில்இறங்கினார், வெற்றியும் பெற்றார்.

இது இந்தியர்களை தலை நிமிர்த்தும் செய்தியாகும்

சிங்கம் 2 இல் கலக்க வருகிறார் ஆச்சி மனோரமா

இயக்குனர் ஹரி இயக்கும் ”சிங்கம் 2” இல் முக்கிய பாத்திரத்தில் நடிக்க ஒப்பந்தமாகியிருக்கிறார் ஆச்சி மனோரமா.

கோயில் வழிபாட்டுக்கு சென்ற இடத்தில் வழுக்கி விழுந்து தலையில் அடிபட்டதால் இதுவரை அதி தீவிர சிகிச்சைக்கு உட்படுத்தப்பட்டிருந்தார் ஆச்சி.

தற்போது காயம் குணமடைந்து வழமைக்கு திரும்பியுள்ளார் மனோரமா. அவரை அணுகி ஹரி படத்தில் நடிப்பதற்கு சம்மதம் கேட்டவுடனேயே சம்மதித்துவிட்டாராம் மனோரமா.

மனோரமா இது வரை 1000 படங்களுக்கு மேல் நடித்து கின்னஸ்ஸில் இடம்பெற்றுள்ளார் என்பது குறிப்பிடத்தக்கது.

கன்னி பூக்களுடன்

யாழ் இந்துக்கல்லூரி மாணவன் உமாகரனின் கண்ணீர்ப்பூக்கள், கன்னி எனும் இரண்டு கவிதை நூல் வெளியீட்டு விழா இந்துக்கல்லூரி குமாரசாமி மண்ணடபததில் (23.05.2012) புதன்கிழமை காலை 11.30 மணிக்கு நடைபெற்றது

மங்கள விழக்கேற்றலை தொடர்ந்து யாழ் இந்துக்கல்லூரி அதிபர் வீ.கணேசராசா தனது தலைமையுரையில் 3ன்று வயதில் திருஞான சம்மந்தர் தேவாரம் பாடினார் உமாகரன் தமிழ்த்தினப் போட்டியில் 1லாம் இடத்தினை பெற்ரதுடன் 15 தங்கப்பதக்கம்களும் 3முறை முறை தேசிய ரீதியில் 1லாம் இடம் பெற்றதுடன் மொத்தமாக 25 ந்து 1லாம் இடங்களையும் யாழ் இந்துக்கல்லூரி விவாத தேசியமட்த்தில் 1லாம் இடத்தில் தற்போது காணப்படுவதற்கு உமாகரனின் அயராத உளைப்பும் விவாத திறமையுமே காரணம் என தெரிவித்தார்

சோமாலியர்களின் வாழ்க்கையை சித்தரிக்கின்ற கண்ணீர்ப்பூக்கள், தனது எண்ணங்களை பிரதி பலிக்கின்ற கன்னி ஆகிய இரண்டு கவிதை நூல்களையும் AAA மூவிஸ் மற்றும் ur friend foundation தலைவரும் தென்னிந்திய திரைப்பட தயாரிப்பாளர் செவ்வேள் வெளியிட்டு வைக்க உமாகரனின் பெற்றோர் பெற்றுக் பொற்றுக் கொண்டனர்

இந்த நிகழ்வில் யாழ் பல்கலைக்கழக இந்து நாகரீக உதவிவிரிவுரையாழர் செல்வ மனேகரன் ஸகந்தவராய கல்லூரி ஆசிரியர் மகாலிங்கம் இராமகாதன் கல்லூரியின் ஒய்வு பெற்ற ஆசிரியர் கலாபூசனம் திருமதி .வை.கணேசப்பிள்ளை யாழ் பல்கலைக்கழக வணிகபீட முகாமைத்துவ பேராசிரியர் தேவராஜா இந்துக்கல்லூரி ஆசிரியர்ள் மாணவர்கள் என பலர் கலந்துகொண்டனர்